سەردێڕ:

سلێمانی.. حەوت حاڵەتی نوێی توشبوون بە کۆرۆنا تۆمارکرا

فۆتۆ: 
2020-05-22

4979 جار خوێندراوەتەوە

وەزارەتی تەندروستی هەرێم ڕایگەیاند، ئەمڕۆ حەوت حاڵەتی نوێی توشبوون بە کۆرۆنا لە پارێزگای سلێمانی تۆمارکراوە.

وەزارەتی تەندروستی هەرێم لە راگەیەندراوێکدا ئاماژەی بەوەکردووە، "لە بەردەوامی پشکنینەکان و گەڕان بەدوای گومانلێکراوان، حەوت توشبووی دیکەی ڤایرۆسی کۆڕۆنای نوێ COVID-19 لە پارێزگای سلێمانی دەستنیشانکرا، كە سێ ئافرەتی تەمەن ٥٧ و ٣٠ و ٢٥ ساڵ و چوار منداڵی تەمەن ١٢ و ٤ و ٣ و ٢ ساڵان. "

راشیگەیاند،" سەرجەم توشبووەكان بەرکەوتەی تووشبووانی پێشوون و هەموویان دانیشتووی شاری سلێمانین. "

بەپێی دواین ئاماری وەزارەتی تەندروستی هەرێم، تا ئێستا ٤٦١ حاڵەتی توشبوون بە کۆرۆنا لە هەرێمدا تۆمارکراون و لەو ژمارەیەش ٣٨٥یان چاکبوونەتەوە. هاوکات، پێنج کەسیش گیانیان لەدەستداوە.