ئەوا حەزدکەم، دڤێت تو ژی ژێ حەزبکەیی

47828 جار خوێندراوەتەوە

تاکێ ڤێ دەڤەرێ هەر ژ زارۆکیێ و بدرێژاهیا ژیانێ کومەکا ترسێن ئاشوپی داگیرکریە، ترس مرۆڤی دکەتە کولەکێ کەڕ و لال، ترس ئەو چەکە کەسێ داخازکەر لهەمبەر کەسێن نە رازی ڕادکەت، ئەڤجا ب دەهان ئەگەر هەنە ژبوی هەلگرتنا ڤی چەکی دبیت جار ژ نەزانین یان کلتوری بیت.

خێزان، دەستهەلات، کەسێن باوەردار (گوتاربێژێن ئاینی)، قوتابخانە و ئەڤە ژوان بازنانن ئەوێن چەکێ ترسێ ل هەمبەر مە هەلگرتین.

بو نمونە دناڤ خێزانێن مەدا

زارۆکینا مە هەمیان ب دەهان ناڤێن جودا و بێ گومان پترینا وان د ئاشوپی لدەڤ مە هەبین، بو نمونە، ( ئەژدەها، پیرا مرۆڤ خار، وەحشی).

گەهشتینە قوناغا خاندنێ و مە هەستکر ئیدی ئاواتربین

لێ ڤێجارێ ترسا مامۆستا و چیڤێ وان ژی ل بابەتی زێدەبوو

دێ بۆ هەوە سەرهاتیەکا خوە ڤەگێرم:

ل پولا ئێکێ سەرەتایێ من دەست ب ئێکەم ویستەگەهێ ژیانێ کر، مامۆستایەکا خانم بی سەرپەرشتا پولا مە.

- ڕابە، ناڤێ تەیێ سێ قولی چیە،

- ئیسماعیل محسن ئیسماعیل

- دا بوتە بێژم من تەیڕەکێ هەی ژڤێرێ پێڤە دێ چاڤدێریا تە کەت، هەردەما نە خۆینی ئەو دێ من ئاگەهدارکەت.

ئەو هزرە هەر ل قوتابخانێ مانە بدویڤ من ڤە هەتا گەهشتیمە مال، گەهشتمە مال ئێکەم کارێ من ئەز چاڤدێریا تەیری بکەم بیێ کو تەیر من ببینت، دناڤ باخچێ مە دا شینکاتی زۆربی دوو دارێن هێژیرا مە هەبین، سەحدکەمێ نە تەیرەکە، تەیر ب هوزڤە یێن د باخچێ مەدا، ب هەر حال بومە ئێکەمێ پولێ.

ل بیرامنە جارەکێ بابێ من هات هەر ژبەری بگەهیتە وێ ستا مەیا سەرپەرشت

- هەما هەرە کورێ تە گۆلە، گۆل.

بێ گومان کەیفا هەردوو ئالیان هات کو بابێ من و مامۆستایێن من ب زیرەکیا من، لێ کەسێ هەستێ من نەدزانی، ئەڤ هەمی زیرەکیە نە ژبەر حەزژێکرنەکا زۆرە بۆ خاندنێ بەلکو ترسە.

ئەڤجا سال بو سالێ و ترسەکا نوی ژوان (ژ ئاینی و گوتاربێژێن ئاینی، ژ دەستهەلاتێ و سیاسەتێ، ژ پارەی، ژ پاشەرۆژێ و هەڤژینیێ، ب سەدان خالێن دیتر.

چ جارا ڤان کەسا هزرنەکریە ئەگەر مە ژ حەزژێکرن و ڤیان کارەک ئەنجامدا دێ باشترین شێوە ئەنجامدین، ئەگەر خۆ ئەو لوێرێ ئامادە ژی نەبن یان ئەگەر خۆ چەکی ژی بۆ ئەنجامنەدانێ ڕاکەت هەر دێ کین بتنێ بەسە وان ڤیان نیشا مەدا با، نە ترس، ژبوی دونیایەکا جوانتر و گەشتر بژیت ئازادیا تاکی.