پێشكێشكارییا به‌رێ و یا نها

5596 جار خوێندراوەتەوە

میدیا ، سه‌رده‌م بۆ سه‌رده‌مى گهورینێن به‌رچاڤ بخوڤه‌ دگریت له‌ورا لسه‌ر ده‌زگه‌هێن میدیایی ل كوردستانێ پێتڤى یه‌ وه‌كو هه‌موو میدیایێن جیهانى لدویڤ وان گهورینان بچیت ، و ئه‌ڤ جاره‌ ئه‌م دێ به‌حسێ پێشكێشكاریێ كه‌ین ژ روویێ پراكتیكى ، ئه‌رێ شێوازى خواندنا نووچه‌ییان و چه‌وانییا پێشكێشكرنا به‌رنامه‌یان ژى دهێته‌ گهورین ؟ یان بتنێ ستودیێن سه‌رده‌مانه‌ دروست دبن ! ئه‌م دشێن بێژین هنده‌ك خال هه‌نه‌ وه‌كو ده‌نگ و رتما خواندانا نووچه‌یان و دیسان زمانێ ساخله‌م ژ وان خالانه‌ یێن چجار نه‌هێنه‌ گهورین به‌لێ جاران سه‌روسیما ئانكو ستایلى پێشكێشكارى ده‌م بو ده‌م دهێته‌ گهورین كو ئه‌ڤه‌ ژى ژ فاكته‌رێن گرنگێن پێشكێشكرنێ یه‌ هه‌روه‌سا زمانێ جه‌سته‌یی جاران تا راده‌یه‌كى پێشكێشكارى ماف هه‌یه‌ ده‌م بو ده‌مى بگهوریت ژبه‌ركو دنها دا ئامرازێن پێشكێشكرنا دسه‌رده‌من و وه‌كو یێن به‌رى نها نینن له‌ورا پێشكێشكار نه‌چاره‌ هنده‌ك لڤینێن نوو په‌یدا كه‌ت و كار پێبكه‌ت ، بو نموونه‌ ئه‌گه‌ر تو پێشكێشكارییا نووچه‌ییان بكه‌ى روونشتى ل ستودیویێ جودایه‌ ژ ئه‌گه‌ر ل سه‌ر پێن خو بى و ستودیویه‌كا مه‌زن ته‌ هه‌بیت ل وى ده‌مى دێ نه‌چار بى هاتن و چوونێ دێ كه‌ى لڤینێن ده‌ستێ ته‌ دێ بازنێ خو مه‌زنترلێكه‌ت و هه‌ر دیسان لڤینێن جه‌سته‌یێ ته‌ هه‌ موو دێ دبه‌رچاڤبن له‌ورا لسه‌ر پێشكێشكارى پێتڤى یه‌ گه‌له‌ك ل هشیارییانه‌ زمانێ جه‌سته‌یی بكاربینیت ژبه‌ر جیهانه‌كا مه‌زنه‌ و گه‌له‌ك فاكته‌ره‌كێ گرنگه‌ ژبو پێشكێشكارى و ئه‌گه‌ر ده‌لیڤه‌یێن باش نه‌بوون وه‌ك وورك شوپ و یان كه‌سێن شارازا دڤى بوارى دا ته‌ فێربكه‌ن ئه‌ڤرو مه‌ هه‌موویان ماموستایێ هه‌ر تشتى ل مالێن خو هه‌یه‌ ئه‌و ژى یوتیوب دێ گه‌لك هاریكارییا ته‌ كه‌ت كا چه‌وا زمانێ جه‌سته‌یی بكاربینى ، یان ژلایێ ده‌نگى ڤه‌ ئه‌گه‌ر ده‌نگێ پێشكێشكارى له‌وازى هه‌بوو دڤێت راهێنانێن ده‌نگى بشێوه‌یه‌كێ باش بكه‌ت ئه‌گه‌ر نه‌ رۆژانه‌ ژى هه‌ر دوو رۆژا جاره‌كێ ، سه‌روسیما وه‌كو هوون دزانێن بو هه‌ر كه‌سى یان هه‌ر دیداره‌كێ چه‌ند گرنگییا خو هه‌یه‌ و هه‌لبژارتنا دڤێت گه‌له‌ك یان هویربین بیت ب تایبه‌ت پێشكێشكارێن كچ جه‌ما ره‌نگێن سه‌ره‌نجراكێش دكه‌نه‌ به‌رخۆ یان ره‌نگێن فسفورى ئه‌ڤه‌ خه‌له‌تییه‌كا گه‌له‌ك دیاره‌ و فوكسا بینه‌رى گه‌له‌ك بو جلكى دێ چیت ژبه‌ر ره‌نگى و ئاگه‌هى هند لسه‌ر ته‌ وه‌ك پێشكێشكارى نامینیت ، ژبه‌ر ڤێ یه‌كێ مه‌ لده‌ستپێكێ ئاماژه‌ دا گوهورینێن پێشكێشكاریێ و چه‌وا فه‌ره‌ ده‌م بو ده‌مى پێشكێشكارى خۆ ئاپده‌یت بكه‌ت و  ، هه‌موو ده‌ما دویڤچوونا رێكێن ئه‌كادیمى یێن بوارى میدیا پێشكێشكرنێ بكه‌ت یان هه‌ر چ ژێده‌ره‌كێ پێگه‌هاندنا پێشكێشكارا بیت چ ژ روویێ تیورى یان یێ پراكتیكى یان ژى په‌رتوكێن كه‌سانێن شارازا و راهێنه‌ر دڤى بوارى دا بخوینى ، ژبه‌ركو جیهانه‌كا نوو یه‌ و هه‌موو روژان پێزانینێن نوو دهێنه‌ ده‌ركرن دڤێ جیهانێ دا .