سەرنووچە:

حەماقەتا سیاسی و ئەکادەمی

PM:10:47:20/06/2022
1604 جار خوێندراوەتەوە
د. سەردار شەهید موسێ
+ -

د. عسمەت محمد خالد، دەستپێشخەر و دامەزرێنەرێ زانکۆیا دهۆک کەسایەتی یەکی هێژا و خاوەن پێگەهەکێ جڤاکی یە، ژ بلی هندێ ژی منەت ب هیچ ئێک ژ ڤان نینن و وەختی بوویە سەرۆکێ زانکۆیێ وی دەمی ژی هیچ منەتەک ب ڤان نەبوو، تەنێ بۆ دروستکرنا سازیەکا زانستی و سەرکەفتنا وێ، بەلکو وی سەرێ وان ئێشاندبیت و گەلەک خواستێن وان جێبەجێنەکربن، ژبەرکو کەسایەتیەکێ خودان مەوقف و بڕیاردەر بوو و تەحەمولا بەرپرسیارەتیێ ژی دکر.

هوین ڤان رێزان دبینن؟ کێم کەس ژ وانێن ئامادە رۆژەکێ د. عسمەت محەمەد خالد د سەردەمێ بەرپرسیارەتیا سەرۆکاتیا زانکۆیێ دا "چایەک یان قەهوەیەک"ٚ پێشکێش نەکری بیت، یان ژی داخازی خوارنەکێ نەکربیت، هندەک ژ وان ژی ب د. عسمەتی بووینە مرۆڤ و خودان قات و ریبات.

بەلێ، ڤێ حەماقەتێ بینن پێش چاڤێن خۆ، هەلبەت د. عسمەت ژ ڤێ یەکێ مەزنترە، ژبەرکو مێژوویی یەن پارێزگەها دهۆک و پارتی و حکومەتا هەرێمێ دەیندارێن د. عسمەتی نە، ئەو ژی هندی مێژوو هەبیت و باسێ ناڤەندێن زانستی ل کوردستانێ بکەن، دێ ناڤێ د. عسمەت درەخشاوە بیت. د. عسمەت دروستکەرێ مێژوو یە، و ئەو دێ د گەل مێژوویێ ژیتن. هندەک ژی تەنێ د گەل مێژوویێ دژین.

جێگرکرنا د. عسمەت د رێزا پشتێ دا جهێ شەرمەزاری یە بۆ جەماعەتا زانکۆیا دهۆک و بگرە ژی پێتڤی بۆ سەرۆکێ حکومەتێ یان ژی وەزیرێ خاندنا بالند خۆدان هەلوێست بان د پرسەک هوسا دا.

هەرچ نەبیت ژی پێتڤی بوو بەرێزان ڕاگر و سەرۆک بەش و کادرێن حزبی ئەگەر پیچەکێ خودان مەوقف بان، دا د. عسمەت ل رێزا پێشیێ دەڤ خۆ جێگێر بکەن. مەوقف و هەلوێست مرۆڤان دروست دکەت، بەس مرۆڤێن بێ مەوقف تەنێ وێرانیێ دروست دکەن.

ئەز پشتراستم کو د. عسمەت گەلەک مرتاحە ل وی جهێ روونشتی و د گەل قوتابیەکێ خۆ یێ گەنج سوحبەتان بکەت، ژبەرکو ب خۆ گەنجە و حەژ گەنجان دکەت. سوپاس بەرێز د. عسمەت بو ڤێ سادەیا هەوە.

گەلەری