PM:03:41:08/11/2022
3024 جار خوێندراوەتەوە
+
-
شەهرەزایەکێ بیاڤێ سەقاناسیێ و ئەندامێ کۆمەلەیا گەردوونناسیا تێکساس
ڕاگەهاند، هەیڤ غەیرینا ئەڤرۆ د رۆژهەلاتا نەڤەراست دا نا هێتە دیتن واتە هەرێما
کوردستانێ ژی ناڤەگریت.
لوقمان حەویز شەهرەزایێ بیاڤێ سەقاناسیێ و ئەندامێ کۆمەلەیا
گەردوونناسیا تێکساس ئاماژە ب وێیەکێ کر، ئەو هەیڤ غەیرینا کو بریارە ئەڤرۆ بهێتە
روویدان هەرێمێ و رۆژهەلاتا ناڤەراست ژی ب گشتی ناگریت.
ماجید ئەبو زەهرە سەرۆکێ کۆمەلەیا گەردوونناسان ل باژێرێ جددە یێ
سعودیێ ڕاگەهاند، ئەڤرۆ هەیڤ غەیرینا تەمامی دێ رویدەت و ئەڤەژی داوی هەیڤ غەیرین
دبیت د سالا ٢٠٢٢ ێ دا.
ئاماژە بوێیەکێ ژی کر، هەیڤ
غەیرین دناڤبەر دەمژمێر ٨ و ٢ خولەکێ سپێدێ بۆ دەمژمیر ١ و ٥٦ خولەکێ پشتی نیڤرۆ ل
دیڤ دەمێ گرینج دێ هێتە روویدان.
دبێژیت ژی، هەیڤ ب تەمامی دکەڤیتە بەر سێبەرا ئەردی، بڤێژی دەمێ هەیڤ
غەیرینا تەمامی دەمژمێرەکێ و ٢٥ خولەکان دێ ڤەکێشیت. د دەمەکی دا، سەرجەمێ
دیاردەیا هەیڤ غەیرینێ هەر د دەسپێکێ دا هەتا دوماهیێ سێ دەمژمێر و ٤٠ خولەکان دێ
ڤەکێشیت.
ماجید ئەبو زەهرە ئەو ژی ئەشکەرا کر، ئەڤە دوماهیک دیاردەیێ هەیڤ
غەیرینێ دبیت د سالا ٢٠٢٢ێ دا.
ئەڤەژی د دەمەکی دایە، ئەڤە دووەم دیاردەیێ هەیڤ غەیرینا تەمامەتیە د
ئەڤ سالە دا. ل مەها دەربازبوویدا دیاردەیێ رۆژ غەیرینێ د جیهانێ دا هاتە روویدان
و ل عێراقێ ژی ٥١٪ رۆژغەیری.