PM:07:35:25/08/2021
968 جار خوێندراوەتەوە
+
-
ڕێڤەبەریا پۆلیسێن هەولێرێ ناسنامەیا بکوژێ دوو برایێن
قەزایا خەبات ئەشکەراکر و ڕاگەهاند، "رێیێن یاسایی ل هەمبەر وی تۆهمەتباری
گرتینەبەر".
ئەڤرۆ چارشەمبی ڕێڤەبەریا پۆلیسێن هەولێرێ د ڕاگەهاندنەکێدا
ئاماژە ب وێیەکێ کربوو، "ئەڤرۆ هاتینە هایدارکرن ب هەبوونا روویدانەکا کوشتنێ
ل سنورێ قەزایا خەبات ل ناحیا سێبیران ل گوندێ قەلاچۆغان".
ل گورەی ڕاگەهاندنێ، دەملدەست هێزێن ڕێڤەبەریا پۆلیسێن
هەولێرێ چوونە جهێ مەرەمێ و دەست ب ڤەکۆلینێ کر و د ئەنجامدا دەرکەفت دوو برا
هاتینە کوشتن ب ناڤێ (رێناس ستار خدر) و (رەنجدەر ستار خدر).
د ڕاگەهاندنا پۆلیسێن هەولێرێ دا زانیاریان دەربارەی ناسنامەیا
بکوژی ئەشکەرا دکەن و ئاماژە ب وێیەکێ دکەن لسەر ئاریشەیەیێ و تۆهمەتبارێ سەرەکیێ
روویدانێ بناڤێ (ی. ق. ع)ە کو ناسیارێن کوشتیێن ناڤبری بوو و روویدان ژی ب سەدەمێن
جڤاکی بوو.
بەریا نها نووچەگەهانێ ئێن ئاڕ تی ڕاگەهاندبوو، دوو برا
ل نێزیک گوندێ گەزنە یێ سەر ب ناحیا سێبیلانێ یا باژێرێ هەولێر دەستدرێژیا گولەیان
لێ هاتیە کرن و هاتنە کوشتن و ترۆمبێلا وان ژی شەوتیە.
هەڤدەم، شاهدحالەکی بۆ ئێن ئاڕ تی گوت، بوویەر ل سەر ئاریشەیەکا
جڤاکی بوویە و هەردوو برایان ژیێ وان د ناڤبەرا ٢٥ بۆ ٤٠ سالادابوو.
نووچەگەهانێ ئێن ئاڕ تی زەلالکر ژی، گەلەک وەلاتی ل نێزیک
بویەرێ نە و تیمێن هێزێن ئەولەکاریێ ل وێرێ نە و تەرمێن وان ب دوو ئەمبولانسان
هاتنە رەوانەکرن بۆ نوژداریا داد ل هەولێرێ.
ئاماژە ب وێیەکێ ژی کر، تەرمێن وان هەر زوی پشتی بویەرێ
ژ ئالیێ وەلاتیان ڤە ژ ترۆمبێلێ ئینابوونە دەر و نە شەوتیبوون.
نووچەگەهانێ ئێن ئار تی ژ زارێ شاهدحالەکی ئاماژە ب وێیەکێ
کر، ئەو دوو برایە کارمەندێن بالەفڕخانا ناڤدەولەتیا هەولێرێ بوون و و خێزاندارن، ل
دەمێ ڤەگەڕیانا وان ژ دەوامێ بۆ مال د رێکێ دا تەقە لێ هاتیە کرن و هاتینە کوشتن.