PM:04:07:25/08/2021
412 جار خوێندراوەتەوە
+
-
ئەمیندارێ گشتیێ پێشمەرگەی
ڕاگەهاند، پابەندن ب وێ هەڤبەشیا سەربازی دگەل هێزێن هەڤپەیمانیا ناڤدەولەتی، هەڤدەم،
هەروەسا هوشداری دا ژ ڤەکێشانا هێزێن بیانی ل عێراقێ.
ئەڤرۆ چارشەمبێ، جەبار
یاوەر ئەمیندارێ گشتیێ وەزارەتا پێشمەرگەی ڕاگەهاند، تا ڤی دەمی هەمی ئەو کۆمەکێن
ئەمریکا و هەڤپەیمانیا نیڤدەولەتی، بەریتانیا و فەرەنسا و ئەلمانیا و ئیتاڵیا و
هەنگاریا پێشکێشی هێزێن پێشمەرگەی کرین بەردەوامن.
ئەوژی دا دیارکرن، کۆمەک
و هاریکاری پێکهاتینە ژ پرچەک کرنێ و پشتەڤانیکرن ب رێکا ئەسمانی ل دەمێ
ئەنجامدانا ئوپەڕاسیونێن ئەولەکاریێ و ڕاهێنان و مەشقێن سەربازی و کۆمەک ژی هەردوو
ئالیێن لۆجستی و ماددی بخۆڤەدگریت.
جەبار یاوەر ئاماژە
بوێیەکێ ژی کر، پلانا بەردەوامبوونا کومەکێن هێزێن هەڤپەیمانیا ناڤدەولەتی بۆ
هێزێن پێشمەرگەی هەیە.
دەربارەی ل هەڤهاتنا
ستراتیجی یا دناڤبەرا واشنتون و بەغدا ئەمیندارێ گشتیێ پێشمەرگەی ئاماژە بوێیەکێ
کر، گوتوبێژان چەندین لهەڤهاتن لدیڤ خۆ ئینان، ئێک ژ وانان ڤەکێشانا هێزێن ئەمریکا
ل عێراقێ و ئەرکێن خۆ ژی دێ ژ شەرکرنێ بۆ شێورمەندیێ گوهریت، دبێژیت ژی، هێزێن دی
یێن بیانی هەنە د کڤانێ هەڤپەیمانیا ناڤدەولەتی بۆ بەرهەگاربوونا داعش.
گوتژی، ڤەکێشانا هێزێن
ئەمریکا ب ئاوایەکێ نە چاڤەرێکری مەترسیێ دێ بۆ هەمی عێراقێ درست کەت، لێ ڤەکێشانا
هێزان ب پلان و بەرنامە بو بهێتە دانان ئەڤە تشتەکێ دی یە.
دەربارەی
بەردەوامبوونا پشتەڤانیا ئەمریکا جەبار یاوەر ئەمیندارێ گشتیێ وەزارەتا پێشمەرگەی
بەحس ل وێیەکێ ژی کر، "مە ئارتێشەکا بهێز هەیە ل هەرێم و عێراقێ، هەر ژبەر
وێیەکێ ئەمریکا دەستبەرداری پشتەڤانیا وان هێزان نابیت".
ل سالا ٢٠١٤ وپاشدا
هەڤپەیمانیا ناڤدەولەتی بۆ بەرهەگاربوونا داعش ب کوژمێ پێنج ملیار دۆلاران کۆمەک
پێشکێشی ئارتێشا عێراقێ و هێزێن پێشمەرگەیێ کوردستانێ کرینە.
ئەڤە د دەمەکی دایە،
فواد حسێن وەزیرێ دەرڤەی یێ عێراقێ د چاڤپێکەفتنەکێ دا دگەل ئاژانسا نووچەیێن
سپونتیکا روسی ڕاگەهاند، دەربارەی کەیسا تایبەت ب تیرۆرێ عێراق ب تەمامی و ل هەمی رویەکی ڤە ئامادەیە بەرهەنگار ببیت.
ئاماژە ب وێیەکێ ژی
کر، عێراق ئامادەیە بۆ ڤەکێشانا هێزێن ئەمریکا لسەر ئاخا وێ.