PM:04:43:14/09/2022
428 جار خوێندراوەتەوە
+
-
پەیڤدارێ ڤەلڤینا نەوەی
نوێ ڕاگەیاند، پەیڤدارێ حکومەتا هەرێمێ دوهی ١٥ خولەکان ئاخفت لێ بچیکترین بەلگە یان
ژمارە یان داتا نەدانە بەرچاڤکرن د دەمەکیدا ئەم دبێژین ل دەما سێ سالێن کابینەیا نەهێ
دا ٢٢ ملیار دۆلار دیارنەماینە.
هیمداد شاهین پەیڤدارێ
ڤەلڤینا نەوەی نوێ د کۆنفڕانسەکا رۆژنامەڤانیدا راگەهاند، تەحەدایا سەرۆکێ حکومەتێ
و حکومەتێ و جێگرێ وی و پەیڤدارێ وی ژی دکەین کو ئەگەر رێکێ بدەن پەرلەمانتارەکێ
فراکسیۆنا مە ل پەرلەمانێ هەرێمێ و ئێک ژ پەرلەمانێ عێراقێ بۆ دەمێ مەهەکێ دناڤ سازیێن
حکومەتێ دا بن بۆ ڤەکرلینێ ژ وی پارێ دیارنەمایی.
هیمداد شاهین گۆتژی،
"پەرلەمانتارێن مەیێن بەغدا ئاگەهدارن و دزانن و داتاو و ژمارە ژدەف واناهەنە
کو سەردای ١٠٠ ملیۆن دۆلار هاتینە بۆ حکومەتا هەرێما کوردستانێ، لێ ناهێتە زانین
ئەو پارەیە چلێ هاتیە و بۆ کیڤە چوویە."
بەحسا وێ ژی کر، پەیڤدارێ
حکومەتێ ئاماژە ب وێ دا کو نێزیکی ٤٥ ترلیۆن دینار داهاتێ حکومەتێ بووینە و وەکی هێزەکا
ئۆپۆزسیۆنی دڤێت بزانین ئەو داهاتە چ لێ هاتیە؟ بۆ کیڤە چوویە و کێ خەرج کریە؟
دبێژیت ژی، "نابیت
بتنێ ژمارەیان بێژن و بەرسڤا رۆژنامەڤانان نەدەن و پەیڤدارێ حکومەتێ بچیت بێ کو بەرهەڤبیت
چ تشتان دەربارەی وێ زەلال بکەت و کۆمەکا کاغەزان ڤێ بیت کو وەکی ئەو دبێژیت گومان
هەیە کو کاغەزێن سپی بووبن بەرهەڤ نەبیت چ داتایان بدەتە رۆژنامەڤانان".