AM:10:38:27/08/2022
464 جار خوێندراوەتەوە
+
-
نوینەرێ دەزگەهێ لوتکە ڕاگەهاند، تیمێن پۆلیسێن
بەرئاڤێن تورکیا ٣٣ کۆچبەر رزگارکرن کو ب زۆر ژ ئالیێ یۆنانێ هاتینە ڤەگەڕاندن .
ئەڤرۆ شەمبی، کوردە یەشار نوینەرێ دەزگەهێ لوتکە
راگەهاند ، شەڤا دەربازبووی تیمێن پۆلیسێن بەرئاڤێن تورکیا ٣٣ کۆچبەرێن نەیاسایی
رزگارکردن.
ئاماژە ب وێ ژی دا، ئەو کۆچبەرە ژ ئالیێ ولاتێ یۆنان
ب زۆر ڤەگەڕاندبوون بۆ ئاڤێن ئاخا تورکیا ل دەریایا ئیجە.
ئاری جەلال سەرۆکێ دەزگەهێ لوتکە بۆ کاروبارێن
کۆچبەر و پەنابەران د فەیسبوکا خۆدا بەلاڤکر، لدیڤ زانیاریێن دەزگەهێ لوتکە، ئەو کۆچبەرە
ل بەرئاڤێن ناحیا چەشمێ ل رۆژئاڤایێ ویلایەتا ئیزمیر هاتینە رزگارکرن، کو دناڤ دوو
بەلەمێن رزگارکرنێ دا بوون.
ئەویەک ژی دایە بەرچاڤکرن، وان تیمان پشتی تەمامکرنا
رێکارێن یاسایی ئەو کۆچبەرە رەوانەی رێڤەبەراتیا کۆچبەرێن موگلە کرینە.
ئەڤە د دەمەکیدایە، شەڤا دەربابزبووی هەلگورد
عومەر نووچەگەهانێ ئێن ئاڕ تی ئاماژە ب وێ دا پشتی کو بۆ دەمێ چار رۆژان د دەریایا
ئیجەدا ئاسێ مابوون ئەڤرۆ ژ ئالیێ پۆلیسێن یۆنان ڤە هاتنە رزگارکرن.