PM:03:04:25/08/2022
376 جار خوێندراوەتەوە
+
-
دژە تیرۆرا کوردستانێ بەلاڤکر،
نەهـ مووشەک ئاراستەی بنگەهێ سەربازیێ تورکیا ل زێلکان هاتنەکرن.
دژەتیرۆرا کوردستانێ بەلاڤکر،
ئەڤرۆ پێنجشەمبی ٢٥ی ئاب، نەهـ مووشەک ئاراستەی سەربازگەها زێلکان ل ناحیا باشیکێ
یا سەر ب پارێزگەها نەینەوا کرینە، کو هێزێن سوپایێ تورکیا تێدا نە.
دژەتیرۆرێ ئاماژە ب وێ
ژی کریە، ئەو مووشەک ژ جۆرێ گرادن و ب دەوروبەرێن سەربازگەهێ کەفتینە و چ زەرەرێن ژیان ژدەستدانێ و ماددی ل دیڤ خۆ نەهێلانە.
دژەتیرۆرێ بەحسا وێ ژی کر، ئەو مووشەکە د ناڤبەینا گوندێ فازلییە و کانوونە ل سنورێ ناحیا باشیک ل رێکا ترۆمبێلەکا بارهەلگر ژ جۆرێ کیا هاتینە ئاراستەکرن و دبێژیت ژی، "ب سەدەما کارتێکرنا مووشەکان ئەو ترۆمبێل سۆتیە".
هەروەسا، محەمد ئەمین غەریب رێڤەبەرێ ناحیا زێلکان بۆ ئێن ئاڕ تی گۆت، بەریا چەند خۆلەکان شەش بۆ حەف مووشەک بۆ سەربازگەها تورکیا هاتینە ئاراستەکرن ل سنورێ هەردوو ناحیێن باشیک و زێلکان ب گۆتنا ڤی بەرپرسی ئەو هەمی مووشەک ب دەوروبەرێن وێ سەربازگەهێ کەفتینە و تانها زەرەر و زیانێن وێ ناهێنە زانین.
هەر دیسان، غەیاس سورچی پەیڤدارێ
مەلبەندێ یەکێتی ل موسل بۆ ئێن ئاڕ تی گۆت، لدیڤ وان زانیاریێن گەهشتینە دەستێ مە نێزیکی
سێ بۆ چار مووشەکان بناڤ سەربازگەهێ کەفتینە لێ تانها زەرەر و زیان ناهێنە زانین.
گۆتژی، هەمی ئەو مووشەکێن هاتینە ئاراستەکرن ل
گوندەکێ شەبەک نشین بناڤێ کانونە هاتینە ئاراستەکرن کو سەر ب ناحیا باشیکە.
ئەڤە د دەمەرکیدایە، بتنی
د ئەڤسالە دا زێدەتر ژ ٢٠ جاران سەربازگەها تورکیا ل سنورێ ناحیێن زێلکان و باشیک هاتیە
مووشەک باران کرن و زیانێن ماددی و گیانی ژی لدیڤ هەبوونە و ترس ل وان گوندێن دەوروبەر
پەیداکریە.