PM:09:52:23/08/2022
424 جار خوێندراوەتەوە
+
-
رێڤەبەرێ ڤەگوهاستنا پارێزگەها هەولێرێ بۆ ئێن
ئاڕ تی ڕاگەهاند، بڕیارە تەكسیێن هەرێما كوردستانێ "تەكسیا مەتر" بۆ بهێتە
دابینکرن و پارەیێ كرێیا تەکسیان لدیڤ كیلۆمەتران بهێتە وەرگرتن. دبێژیت ژی،
"د نهادا ئەڤ پێنگاڤە ئێخستیە دناڤ پڕۆژەی دا و گۆتوبێژ لسەر دهێتەکرن".
ئەڤرۆ سیشەمبی، عەبدولخالق عەلی رێڤەبەرێ ڤەگەهاستنا
پارێزگەها هەولێرێ بۆ ئێن ئاڕ تی گۆت، بڕیارە تەکسیێن هەرێما كوردستانێ تەكسیا مەتر
بۆ بهێتە دابینكرن و پارەیێ كرێیا تەكسیان لدیڤ كیلۆمەتران بهێتە وەرگرتن.
ئاماژە ب وێ ژی دایە، ڤێ پرۆژەی د دەمەکیدا دێ کار
پێ هێتەکرن كو بهایێ بەنزینێ بهێتە جێگرکرن و حكومەت ژی لدیڤ بارێ داراییێ وەلاتیان
بهای بۆ هەر كیلۆمەترەكێ دابنێت.
بەحسا وێ ژی کر، تەكسیا مەتر دێ وەکەت چ وەلاتیان
پارەیێ زێدە لێ نەهێتە وەرگرتن و باشترین ئامرازە بۆکو بهایێ گەهاندنا تەکسیان ل
هەمی هەرێما كوردستانێ بهێتە جێکرن.
عەبدولخالق عەلی گۆتژی، دنهادا ئەو هزرە ئێخستیە
د پڕۆژەیدا و پێتڤیە تەندەر بۆ دەربچیت.
ئەشکەراژی کر، مژیلی وێ ژی نە تا بزانن چ ئامێرەکێ
گونجای بۆ تەکسیان دابنێن.
دبێژیت ژی، پشتی تەمامبوونا رێکاران و جێبەجێکرنا
وی پڕۆژەی ل هەمی باژێرێن هەرێمێ دێ ئێخنە بیاڤێ جێبەجێکرنێ.
ئەڤە د دەمەکیدایە، تا نها ل هەرێمێ کرێیا تەکسیان
ب ئاوایەکێ گۆترە ل وەلاتیان دهێتە وەرگرتن، زێدەباری وێ کو ئاریشەیا گرانیا بەنزینێ
و بلندیا بهایێ سوتەمەنیێ ل کوردستانێ نەهاتیە چارەسە کرن.