PM:09:56:18/08/2021
1808 جار خوێندراوەتەوە
+
-
وەزارەتا دەرڤە و هەڤکاریا
ئیماراتی ڕاگەهاند، وەلاتێ وان پێشوازی ل ئەشرەف غەنی سەرۆکێ بەرێ یێ ئەفغانستانێ
و خێزانا وی کر، "د کڤانێ بهایێن مرۆڤایەتیدا".
وەزارەتا دەرڤە یا ئیماراتێ د
ڕاگەهاندنەکێ دا بەحسا وێیەکێ کریە، حکومەتا ئیماراتێ وەک بهایەکێ مرۆڤایەتی
پێشوازی ل ئەشرەف غەنی سەرۆکێ بەرێ یێ ئەفغانستانێ و خێزانا وی کریە پشتی کو باژێرێ
کابول یێ پایتەختێ وەلاتێ خۆ بجهێلای، ب بێ کو وەزارەتا دەرڤە یا ئیماراتێ هویرکاریێن
زێدەتر دیاربکەت.
پشتی کو کابول پایتەختێ
ئەفغانستانێ ژ ئالیێ بزاڤا تالیبان هاتیە کۆنترۆلکرن، دەنگۆیێ وێیەکێ هاتیە
بەلاڤکرن ئەشرەف غەنی سەرۆکێ بەرێ یێ ئەفغانستانێ بەرەڤ تاجاکستانێ رەڤیا و پشترا
د ڕاگەهاندنەکێدا گوت، "نەڤیایە کو خۆینا کەسێ بهێتە رێشتن، ژبەر وێیەکێ
راستی بزاڤا تالیبان نەبوویە".
رۆژا ١٥ ڤێ مەهێ، چەکدارێن بزاڤا
تالیبان، پشتی کۆنترۆلکرنا زێدەتر ژ ٢٠ مەزنە ویلایەتێن ئەفغانستانێ، چوونە دناڤ
کابول یا پایتەخت دا.
ئاکنجیێن ئەفغانستانێ ٣٨ ملیۆن
کەسن و نێزیکی ٤.٥ ملیۆن کەسان د کابول یا
پایتەختدا دژیان کو د بیتە ١٢% رێژەیا ئاکنجیێن وی وەلاتی کو دکەڤیتە رۆژهەلاتێ
ئەفغانستانێ. هەڤدەم ، ژ ٣٤ ویلایەت و ٤٢١ هەرێمان پێکدهێت.
روبەرێ ئەفغانستانێ ٦٥٢ هزار
کیلۆمەترێن چارگۆشەنە، کو ئەڤە ژی یەکسانە ب ویلایەتا تەکساس یا ئەمریکا و دوو
جاران هندی وەلاتێ بەریتانیایە.