PM:01:21:05/07/2022
564 جار خوێندراوەتەوە
+
-
بەری نیڤرۆیا ئەڤرۆ لسەر جاددا سەرەکی نێزیک
پرا سحێلا بوویەرەکا هاتن و چوونێ دناڤبەرا سێ ترۆمبێلان دا روویدا و دوو کەس
بوونە قوربانی.
رێڤەبەریا هاتن و چوونا زاخۆ ڕاگەهاند، بەری
نیڤرۆیا ئەڤرۆ دەمژمێر ١١:٣٠ خولەک لسەر جاددا سەرەکیا سحێلا لنێزیک پرا سحێلا
بوویەرەکا هاتن و چوونێ دناڤبەرا سێ ترۆمبێلێن ژ جۆرێ (بارهەلگر ترێلە، بارهەلگر
پیک ئاب، بارهەلگر کەیا دوو تەن) دا روویدا.
دیارژیکر، بسەدەما بوویەرێ کەسەکی ژیانا خۆ ژ
دەستدا و کەسەکی دی ژی ب دژۆاری برینداربوو و بۆ نەخۆشخانا هەوارهاتنا زاخۆ هاتە
ڤەگۆهاستن.
هەڤدەم ئاشکرا ژیکریە، زیانێن مەزنێن ماددی
ژی بەر ب ترۆمبێلان کەڤتینە.
ئەڤە د دەمەکێ دایە، لگۆرەی ئامارێن هاتن و
چوونا پارێزگەها دهۆکێ د شەش مەهێن دەربازبووی دا ٣٨٣ بوویەرێن هاتن و چوونێ
روویدانە و تێدا ٤١ کەسان ژیانا خۆ ژ دەستدایە و ٤٧٩ کەس ژی برینداربووینە.