PM:01:04:05/07/2022
468 جار خوێندراوەتەوە
+
-
لدویف زانیاریێن نووچەگەهانێ ئێن ئاڕ تی تورکیا ب درۆنێ هێرشکریە سەر کەمپا پەنابەرێن "شەهید رۆستەم جودی" ل مەخمور، دژە تیرۆرا هەرێمێ ژی دبێژیت، "بۆمبەبارانێ زەرەرێن گیانی و ماددی هەبوون".
ئەڤرۆ سێ شەمبی، نووچەگەهانێ ئێن ئاڕ تی ئاماژە ب وێ یەکێ کر، نیڤرۆیا ئەڤرۆ بالەفڕێن بێ بالەفڕڤانێن تورکیا مالەک ل کەمپا "شەهید رۆستەم جودی" ل مەخمور بۆمبەباران کریە.
هەر لدویف زانیاریان، هێرشێ زەرەرێن گیانی نەبوون و بتنێ زەرەرێن ماددی هەبوون.
هەڤدەم، دژە تیرۆرا کوردستانێ ڕاگەهاندنەک بەلاڤکر و تێدا هاتیە ئەڤرۆ سێ شەمبی ٥ی تەمموزا ٢٠٢٢ێ، دەمژمێر ١٢:٣٠ی پشتی نیڤرۆ، بالەفڕێن بێ بالەفڕڤانێن ئارتێشا تورکیا بۆمبەبارانا بارگەهێ چەکدارێن پەکەکە ل کەمپا مەخمور کر.
دبێژیت ژی، بۆمبەبارنێ زەرەرێن گیانی و ماددی لێکەفتن.
موراد سورچی- هەولێر