PM:11:16:04/07/2022
1080 جار خوێندراوەتەوە
+
-
ژێدەرەکێ ئەولەکاریێ
ڕاگەهاند، دۆسەیا کوشتنا کچە مودێلەکا خەلکا رۆژهەلاتا کوردستانێ دبیت پەیوەندی ب
دۆسەیا هەوالگریا دناڤبەرا پارتی و یەکێتی ڤە هەبیت. دبێژیت ژی، "داخویانی ژ پۆلیس
و هێزێن ئەولەکاریێ لسەر ڤێ کەیسێ هاتینە قەدەغەکرن".
"فاتیمە
زراعی" یا ناڤدار ب "ژیلا" کچە مودێلەکا خەلکا باژێرێ سەردەشتا
رۆژهەلاتا کوردستانێ یە و ئاکنجیا باژێرێ هەولێرێ بوو.
ل گۆرەی زانیاریان
"فاتیمە" پشتی وێیەکێ کو ژبەر ئاریشەیەکا جڤاکی ل باژێرێ سەردەشتا رۆژهەلاتا
کوردستانێ ب چەقویێ دهێتە لێ دهێتەدان، هەڤژینێ وێ دهتێە تۆهمەتبارکرن، پشتڕە دبنە
نەخۆشخانێ و ژ وێرێ دڕەڤیت و دهێتە هەولێرێ.
هەر ل گۆرەی
زانیاریان، پشتی گەهشتنا "فاتیمە"ێ بۆ باژێرێ هەولێرێ، دەست ب کارێ
مودێلێ دکەت، لێ ئێکشەمبیا دەربازبووی ب چەقویێ دهێتە کوشتن و هەڤژینێ وێ ژی ب
کۆشتنێ تۆهمەتبار دکەت.
هەڤدەم، پشتی کوشتنا
"فاتیمە"یا تەمەن ٢٣ێ سالی بۆ هەیاما سێ رۆژان تەرمێ وێ ل نۆژداریا دادا
هەولێرێ دیمینت و پشتڕە بابێ وێ ژ رۆژهەلاتا کوردستانێ دهێت و ل قەلادزێ ب ئاخێ
دهێتە سپاردن.
هەروەسا، ژێدەرەکێ
ئەولەکاریێ ڕاگەهاند، دۆسەیا کوشتنا کچە مودێلێ دبیت پەیوەندی ب دۆسەیا هەوالگریێ
ڤە هەبیت کو دناڤ یەکێتی و پارتی دا هەیە.
گوتژی، دوو کچە
مودێلێن دی ژی ل هەولێرێ هاتنیە دەستەسەرکرن وەکی بەریا نها ئێن ئاڕ تی ئاشکرا
کربوو.
ژێدەری بەحسا وێیەکێ
ژیکر، ژبەر وێیەکێ ژی داخویانی ژ پۆلیس و هێزێن ئەولەکاریێ هاتینە قەدەغەکرن لسەر ڤێ کەیسێ.
ئەڤە د دەمەکێ دایە،
پشتی کوشتنا کچە مودێلێ ژی، کچە میدیاکارەکا دی ل هەولێرێ هاتە دەستەسەرکرن کو
فەرمانبەرا پەرلەمانێ کوردستانێ یە و دبیت وێ ژی پەیوەندی ب هەمان دۆسەڤە هەبیت.
ئەڤە د دەمەکێ دایە،
هەر ئەڤرۆ رۆپەلا رێکخراوا هەنگاو بۆ مافێن مرۆڤی بەلاڤکریە، "فاتیمە
زراعی" کو ناڤدارە ب "ژیلا" و ژیێ وێ ٢٣ سالبوو، ئێکشەمبا حەفتیا
دەربازبووی ژ ئالیێ هەڤژینێ وێ ڤە هاتە کوشتن، هەر لدیڤ نووچەیێ رۆپەلێ، تەرمێ
"فاتیمە" ل قەلادزێ و بێی بەژداریا خێزانا وێ ب ئاخێ هاتە سپاردن.