PM:06:20:04/07/2022
308 جار خوێندراوەتەوە
+
-
پەرلەمانتارەکێ نەوەى نوێ ل پەرلەمانێ عیراقێ بەرسڤا
نڤیسارەکا پارێزگارێ کەرکوکێ دا کو تێدا ئاماژە ب وێیەکێ کربوو، هەرکەسێ ئاکنجیێ
ناڤ باژێڕێ کەرکوکێ و قەزا و ناحیێن وێ نەبیت کارتا ئاکنجیبونێ و فۆرما ئاهێن خارنێ
دێ ژێ هێنە وەرگرتن، دبێژیت، "ئەو نڤیسارا راکان جبوری کار پێناهێتە کرن."
ئومێد محەمەد پەرلەمانتارێ فڕاکسیۆنا نەوەی نوێ ل
پەرلەمانێ عێراقێ د ڕاگەهاندنەکێ دا ئاماژە ب وێیەکێ کر، " هەمی وەلاتیێن باژێڕێ
کەرکوکێ پێتڤێە وێ چەندێ بزانن کو بەری هەمی بڕیارێن بڤی ئاوایی مە بەغدا ل وان ڕەفتارێن
نەدروست یێن پارێزگارێ کەرکوکێ هایدارکریە ".
دبێژیت ژی، "ل دەمێ شەش مەهێن بوری دا هەشت دۆسەیێن
گەندەلیێ و دروستکرنا زێدەرەیان و ئینانا هزاران مالان بۆ ناڤ باژێڕێ کەرکوکێ مە
داینە دەستەیا دەستپاقژیا عێراقێ کو پارێزگار و شارەدار و چەندین ئالییێن دی تێکهەلی
وان زێدەرویان بووینه."
بەحسا وێیەکێ ژی کر،"هەمی ئەو بڕیارێن ڕاکان
جبوری کو بێهنا تەعریبکرنێ و جوداهیا نەتەویی و گۆهڕینا دیمۆگرافیایا وی باژێڕی ژێ
دهێت کار پێ ناهێتەکرن و ژبۆ پشت ڕاستبوونێ سەبارەت بڤێ نڤیسارێ ئەڤرۆ ب ڕێکا تەلەفۆنێ
مه ب وەزارەتا ناڤخۆ ڕاگەهاند و کار ب نڤیسارێن بڤی ئاوایی ناهێتە کرن".
ئەو یەک ژی دا دیارکرن، " خەلکێ کەرکوکێ پشتڕاست
دکەین کو بێدەنگ نابین لهەمبەر چ هەلویستێن پارێزگارێ کەرکوکێ ویێن وەک وی ژی
هزردکەن، ژبەرکو مە وەبەرئینان نینە وەک حزبێن دی دگەل ڕاکان جبوری و نە بەرهەڤین
ژی سازشێ لسەر هەلویستێن خۆ بکەین بەرامبەر وان".
ئەڤەژی د دەمەکی دایە، ئەڤرۆ پارێزگارێ کەرکوکێ، د
نڤیسارەکێدا داخاز ژ هێزێن ئەولەهیێ کربوو دیفچۆنێ بکەن بۆ ئاکنجییێن پارێزگەها کەرکوکێ
و هەر کەسێ ئاکنجییێ کەرکوکێ و قەزا و ناحیێن وێ نەبیت کارتا ئاکنجیبونێ و فۆڕما
ئاهێن خارنێ ژێ بهێتە ستاندن.