PM:01:20:04/07/2022
632 جار خوێندراوەتەوە
+
-
قائیمقامێ هەولێرێ ڕاگەهاند،
وه‌زاره‌تا پێشمه‌رگه‌ی و وەزارەتا ناڤخۆ کار لسه‌ر وێ د‌که‌ن کو هه‌می هێزین پێشمه‌رگەی
و هێزین نافخۆ دڤێت چەکێن خۆ بدانێن ل جهێن خۆ بجهـ بهێلن و چەکێن خۆ پشتی دەوامێ نەئیننە
ناڤا جڤاکی.
نەبەز عەبدولحەمید قائیمقامێ
هەولێرێ بۆ دەنگی ئەمریکا ڕاگەهاند، پشتی بریارا سەرۆکێ حکومەتێ بۆ دەست بسەردگرتنا
چەکێ بێ مۆهلەت مەفرەزە پێکهاتینە بۆ گەڕیان و دەستبەسەرداگرتنا چەکێ بێ مۆهلەت.
دبێژیت ژی، "وه‌زاره‌تا
پێشمه‌رگه‌ی و وەزارەتا ناڤخۆ کار لسه‌ر وێ د‌که‌ن کو هه‌می هێزێن پێشمه‌رگه‌ی و
هێزێن ناڤخۆ دڤێت چەکێن خۆ ل جهێن خۆ بجهـ بهێلن و چەکێن خۆ پشتی دەوامێ نەئیننە
ناڤ جڤاکی."
ئەویەک ژی دایەدیارکرن،
"دەمێ سالەک زێدەترە ل پارێزگەها هه‌ولێرێ بابه‌تێ مۆهله‌تێ گەلەک گەلەک ب
زەحمەت ئێخستیە و هەیا هه‌ر ڕاگرتیە و مۆهله‌ت نەدایە ب چ که‌سان کو چه‌کی هەلبگرن،
خۆ ئه‌گه‌ر مۆهله‌ت ژی دابیت ژماره‌یه‌کا زۆر کێم بوویە."
قائیمقامی هەولێرێ بەحسا
وێیەکێ ژی کریە، هێزێن زێره‌ڤانی و ئاسایش و پۆلیسان ده‌ست بکاربوون بۆ جێبه‌جێکرنا
بڕیار‌ا ده‌ست بسەرداگرتنا چه‌کێ بێ مۆهله‌ت و دانانا بازگەهان ل وان جهێن کو پێتڤیە
و ل ده‌روازه‌یێن باژێری ب وی ئەرکی ڕادبن.
نەبەز عەبدولحەمید دەربارێ
پاسەوانێن خۆ گۆت، "من پشتی دەوامێ ژی ئێک شۆفێر دگەلدایە گەلەک جاران ئەو
شۆفێرەژی دگەل من نینە، لێ دگەل وێ مە پشتی دەوامێ ژی دیارده‌یا پاسه‌وانێن زۆر و
وان جۆرە تشتان کێمبکەن، یێن ئه‌رکێ فه‌رمی هه‌یه ئەو جودانە، لێ یێن ژدەرڤەی
ئەرکێ فەرمیێ وانە کو پشتی ده‌وامێ یە ئەو پێتڤی ناکەت ب چ ئاوایەکی چه‌ک ڤێ بیت
ژبەرکو هێزێن ناڤخۆ دڤێت ب وی ئەرکی ڕابن کو ئەوژی پاراستنا وەلاتیانە و پاراستنا جهێن
گشتیه ژبەر وێ پێتڤی ناکەت پشتی ده‌وامێ ژی ب فه‌رمی چ که‌سەکی ل هەر پله و پۆستەکێ
بیت چه‌ک ڤێ بیت."
ئەڤەژی د دەمەکیدایە، ژبەر
روویدانا زنجیرەیەکا بوویەرێن کوشتنێ حەفتیا دەربازبووی ل هەرێمێ ، مەسرور بارزانی
سەرۆکێ حکومەتا هەرێمێ ڕاگەهاند، دڤێت دەست بسەر هەمی چەکێن بێ مۆهلەتدا بهێتەگرتن
و ل هەر جهەکی پێتڤی بکەت بازگەهـ بهێنەدانان بۆ وی کاری.