AM:11:39:04/07/2022
1212 جار خوێندراوەتەوە
+
-
پەیڤدارێن پۆلیسێن راپەڕین
بۆ ئێن ئاڕ تی ڕاگەهاند، ئەو بوویەرا تەقەکرنێ یا شەڤا دەربازبووی ل قەلادزێ روویدای،
پەیوەندی ب سلێمان هەلشۆیی ڤە نینە.
پۆلیسێن راپەڕین ڕاگەهاند،
شەڤا دەربازبوی تەقە ل مالا وەلاتیەکی هاتیەکرن ل تاخێ هەنارۆک، کو دوو کەسێن نەناسکری
بوون و ب ماتۆرسکیلێ و چەکێ جۆرێ کلاشینکۆف تەقە کریە.
پۆلیسێن راپەڕین دبێژن،
ل جهێ بوویەرێ زێدەتر ژ ٢٥ قەوان هاتینە دیتن و زۆرترین فیشەک ژی بەر ترۆمبێلەکا
بارهەلگرا وێ مالێ ژ جۆرێ(AXOR)کەفتیە و بوویەرێ زەرەرێن
ژیان ژدەستدانێ لدیڤ نەبوونە.
پۆلیسێن راپەڕین گۆتژی،
ب گۆتنا خودانێ وێ مالێ؛ ئاریشە دگەل کەسیدا نینە و تەقەکەر کو تا نها نەهاتینە
ناسکرن پشتی وێ بوویەرێ رەڤینە بۆ جهەکێ نەدیار. ئەڤەژی هاتیە، "بۆ هەمان مەرەم
هێزێن مە دەست ب ڤەکۆلینێ ل وێ بوویەرێ کریە."
پشتی بەلاڤبوونا نووچەیا
تەقەکرنێ، دەنگۆیا وێ چەندێ بەلاڤبوو کو ئەو مالا تەقە لێ هاتیەکرن، مالا سلێمان هەلشۆییە.
بۆ وێ مەرەمێ ژی ئێن
ئاڕ تی پەیوەندی ب شۆڕش ئیسماعیل پەیڤدارێ پۆلیسێن ڕاپەڕین کر و وی ژی بۆ ئێن ئاڕ
تی ڕاگەهاند، ئەو دەنگۆیە دوورن ژ راستیێ و وێ بوویەرێ چ پەیوەندی ب سلێمان هەلشۆیی
ڤە نینە.
باخان تۆفیق، راپەڕین