PM:06:54:02/07/2022
1052 جار خوێندراوەتەوە
+
-
نێزیک ئێڤاریا ئەڤرۆ هێزێن پەکەکێ ب چەکێ
گران ل کومەلگەها سیریێ یا گرێدای ناحیا شێلادزێ هێرشی بارگەهێ میا تورکیا کر و ئەوان
ژی بەرسڤدا، نووچەگەهانێ ئێن ئاڕ تی ژی دبێژیت، دوکێل بلندبوویە و زیان ناهێنە زانین.
لگۆرەی زانیاریێن نووچەگەهانێ ئێن ئاڕ تی، نێزیک
دەمژمێر ٦:٠٠ی ئێڤاریا ئەڤرۆ هێزێن پەکەکێ هێرشی بارگەهێ میتا تورکیا ل نێزیک کومەلگەها
سیریێ یا گرێدای ناحیا شێلادزێ کریە و د نها دا دوکێلەکا زۆر ژ نێزیک بارگەهێ میتێ
بلند دبیت.
دیارژیکر، دیڤدا ئارتێشا تورکیا ب رێکا تۆپان
بەرسڤا وێ هێرشێ دایە و تۆببارانا دەردورا گوندێ لاتکا هەر ل وی سنوری کرینە و چەندین
تۆپ نێزیکی وی گوندی کەفیتنە خارێ.
لدیڤ گوتنا خەلکێ وێ دەڤەرێ ئاماژە ب وێیەکێ
ژی کر، ئەو هێرشە لسنورێ گوندێ لاتکا نێزیکی دوو کێلومەتران دووری وی بارگەهێ هاتیە
ئەنجامدان ژبەر وێیەکێ تورکیا ئەو جهە تۆپبارانکریە لێ هێشتا چ زیان ناهێنە زانین.
دبێژیت ژی، ژبەر ڤی شەڕی کو تۆپ بسەر مالێن
وان دا دەربازبووینە ترس و نەئارامیەکا زۆر کەفتیە دلێ خەلکێ دەڤەرێ.
ئەڤە د دەمەکێ دایە، زێدباری چەندین ئۆپەڕاسیۆنان
ژ ئالێ تورکیا ڤە ب هێجەتا هەبوونا گەریلایێن پەکەکێ؛ داوی جار ل ١٨ی مەها ٥ێ یا ئەڤ
سالە تورکیا ئۆپەڕاسیۆنەک بناڤێ پەنجا قفل بۆ سەر دەڤەرێن چیایێ مەتینا ل سنورێ قەزا
ئامێدیێ دەستپێکر و پشتڕە چەندین بارگەهێن خۆ لسەرێ وی چیایی دانان و هەیا نها ژی
ب ئاوایەکێ رۆژانە شەڕ دناڤبەرا وان دا دهێتە کرن.
نیهاد ئورەماری، ئامێدی