PM:11:54:30/06/2022
480 جار خوێندراوەتەوە
+
-
مەحمود عوسمان چاڤدێرێ سیاسی و سیاسەتمەدارێ
کورد ڕاگەهاند، رەوشا عێراقێ ب تەمامی تێکچوویە و نە سەدر و نە کڤانا هەڤبەندی نکارن
حکومەتێ پێکبینن و دبێژیت ژی، "سهدر دهرچوویه، لێ ناهێلیت یین دی کاربکەن بهههمی
ئاوایەکی دێ ل وان تێکدهت دناڤ پهرلهمانی دا بیت یان ژدەرڤەی پەرلەمانی جوداهی
نینە."
دکتۆر مەحمود عوسمان سیاسەتمەدارێ
کورد د دیدارەکێدا دگەل دەنگێ ئەمریکا بەحسا وێیەکێ کریە، کورد و سونە بسەر چەند پشکاندا
دابەش بوونە و ل دەما نەهـ مەهێن دەربازبوی دا نەکاریە حکومەتێ پێکبینن وەسا
دیارنیە ژی نهاژی بکارن وی کارەی بکەن و دبیت جارەکادی ڤەگەڕیێن بۆ هەلبژارتنان.
دەربارێ رەوشا نها یا هەرێما
کوردستان و عێراقێ ژی دبێژیت، "عێراقێ ژ دەسپێکێ هەردەم بزاڤکرینە دهست بهسهر
ههرێما کوردستانێ دا بگریت و دهستههلاتێن ههرێمێ کێم ببن و گەلەک بزاڤکرینە دهستوری
بگۆهڕن و ئهو دهستههلاتا دایە ههرێمێ بهێتە کێمکرن، ژبەرکو باوەریا وان ب سیستهمێ
فیدرالی نینه، بەلکو باوەریا وان ب وێ هەیە کو حکومهتەکا مهرکهزیا بهێز ههبیت."
دەربارێ ئێکگرتنا ناڤمالا کوردی ژی گۆت،
چ جاران هێزێن کوردی وەکی نها دناڤبەینا خۆدا ناکۆک نهبوونە و دبێژیت ژی، "ژبیرامن
نینە بێژم فلان رەوش ل ڤێ رەوشا نها دچیت هەر رەوشەک دەم و جهێ خۆ ههیه، لێ رەوشەکا
تا بێژن خرابه و بهرژهوهندیا گشتی و بهرژهوهندیا میللهتی بوویە پله دوو
بهرژهوهندیا کهسی و حیزبی تائیفی کەفتیە بەری هەمیان ئەڤێ ژی زەرەرەکا مەزن هەیە."