PM:10:20:28/06/2022
416 جار خوێندراوەتەوە
+
-
سکرتێرێ گشتیێ ناتۆ ڕاگەهاند، لسەر پرسا ب ئه‌ندامبوونا سوید و فینلاندا ل
ناتۆ دگەل توركیا گەهشتینە لهەڤهاتنێ، دلتەنگیێن توركیا د ڤەرەڤینن.
ل گۆپیتکا سەرکردەیێن ولاتێن ئەندامێن رێکخراوا باکورێ ئەتلەسی، ئەردۆغانێ
سەرۆککۆمارێ تورکیا ل مەدرید دگەل سکرتێرێ گشتیێ ناتۆ و سەرۆکێ فینلاند، سەرۆکوەزیرێن
سوید جڤیا.
یانس ستۆلتنبێرگ سکرتێرێ گشتیێ ناتۆ د کۆنفرانسەکا رۆژنامەڤانیدا ڕاگەهاند،
ھەمی داخازیێن تورکیا دهێنە جێبەجێ کرن بۆ پشکداریا سوید و فینلەند ل ناتۆ و پەیماننامە
ئیمزا کر.
سكرتێرێ گشتیێ ناتۆ ئاماژە ب وێ ژی کر، سوبه‌هى سه‌ركرده‌یێن ولاتێن ناتۆ بڕیارێ
لسه‌ر بانگهێشکرنا سوید و فینلاندا بۆ پشکداری کرنێ ل ناتۆ دەر دئێخن.
ئەڤەژی د دەمەکیدایە، ١٨ی مەها ئایارێ، پشتی پێشکێشکرنا داخازیا ب ئەندامبوونێ
ل رێکخراوا باکوری ئەتلەسیا ناتۆ، ژ ئالیێ سوید و فینلەندا، د هەمان رۆژدا تورکیا
مافێ ڤیتیۆیێ ل دەستپێکرنا رێکارێن ب ئەندامبوونا هەردوو ولاتان ل وێ رێکخراوێ پێشکێش
کرن و ئەڤەژی بوویە سەدەمێ پاشخستنا دەستپێکا ب ئەندامبوونا ولاتان.