سەرنووچە:

پشتی سەدر؛ هەڤپەیمانیەکا دی ژی ڤەکێشانا خۆ ژ پەرلەمانێ عێراقێ ڕاگەهاند

AM:10:07:24/06/2022

784 جار خوێندراوەتەوە

+ -

هەڤپەیمانیا حقوق پشتی ڤەکێشانا فڕاکسیۆنا سەدر ل پەرلەمانێ عێراقێ، ژمارا کورسیێن وێ بۆ شەش کورسیان زێدەکر و ڤەکێشانا خۆ ژ پەرلەمانی ڕاگەهاند.

پشتی ڤەکێشانا فڕاکسیۆنا سەدر، بزاڤا هەڤپەیمانیا حقوق کو بەشەکە ژ کڤانێ هەڤبەندیێ ڤەکێشانا خۆ ژ پەرلەمانێ عێراقێ ڕاگەهاند.

بەشەک ژ میدیایێن عێراقێ بەلاڤکریە، هەڤپەیمانیا حقوق دەستپێکێ خودانا ئێک کورسی بوو و بەشەک بوو ژ کڤانێ هەڤبەندیێ، پشتی ڤەکێشانا فڕاکسیۆنا سەدر پێنج پەرلەمانتارێن دی ژی سەرکەفتن بۆ پەرلەمانێ عێراقێ.

ئاماژە ب وێیەکێ ژیکر، بڤێ ژی ژمارا کورسیێن وێ بۆ شەش کورسیان زێدەکریە و ڤەکێشانا خۆ ژ پەرلەمانی ڕاگەهاند.

ئەڤە ژی د دەمەکێ دایە، پشتی سەرنەکەفتنا ئالیان د پێکئینانا حکومەتێ دا و ئێکلاکرنا مەزنترین فڕاکسیۆنا پەرلەمانی و هەلبژارتنا سەرۆککۆماری، ل ١٢ی ٦ی ٢٠٢٢ێ لسەر داخازا موقتەدا سەدر هەر ٧٣ێ پەرلەمانتارێن فڕاکسیۆنا سەدر دەست ژ کارکێشانا خۆ پێشکێشی پەرلەمانی کر و پشتی وێ ژی محەمەد حەلبوسی سەرۆکێ پەرلەمانی دەست ژ کارکێشانا وان پەسەندکر.

گەلەری