سەرنووچە:

بەریتانیا دوور نابینیت پەنابەرێن ڤی وەلاتی ژی رەوانەی رواندا بکەت

AM:09:18:24/06/2022

512 جار خوێندراوەتەوە

+ -

سەرۆکوەزیرێم بەریتانیا ڕاگەهاند، ئەو دوور نابینن ئەو پەنابەرێن ئۆکرانیا یێن ب ئاوایێ نە یاسایی دچنە وی وەلاتی هەڤئاوایێ پەنابەرێن دی ڕەوانەی رواندا بکەن.

رۆژناما گاردیانیا بەریتانی بەلاڤکریە، بۆریس جۆنسۆن سەرۆکوەزیرێن بەریتانیا ڕاگەهاند، ١٣٠ هزار ڤیزا ب پەنابەرێن ئۆکرانیا ددەن، ئەگەر ب ئاوایێ نەیاسایی بچنە ناڤ بەریتانیا وی دەمی دبیت رەوانەی رواندا بهێنەکرن.

دوهی پێندجشەمبی، بۆریس جۆنسۆن سەرۆک وەزیرێن بەریتانیا بسەرەدانەکا فەرمی گەهشتە کیغالی پایتەختێ رواندا و د بەرسڤا وێ پرسیارێ دا لسەر ئەگەرێن وێیەکێ کو پەنابەرێن ئۆکرانیا ب ئاوایەکێ نە یاسایی بچنە دناڤ بەریتانیا دا چەوا سەرەدەریێ دگەل دا دکەن، گوت، ئەو دوور نابینن وان ژی رەوانەی رواندا بکەن.

ئەڤە د دەمەکێ دایە، بڕیاربوو ئێڤارا ١٤ی ڤێ مەهێ ئێکەم کاروانێ پەنابەرێن نەیاسایی رەوانە رواندا بکەن، لێ داوی دەم دادگەها مافێن مرۆڤی یا بەریتانیا بڕیار ڕاگرت و پرۆسە ڕاگرت.

ل بەرواری ١٣ی نیسانا ئەڤ سالە بەریتانیا و رواندا لهەڤهاتن لسەر وێیەکێ کرن کو ئەو پەنابەرێن نەیاسایی دچنە دناڤ بەریتانیا دا بۆ وەلاتێ رواندا رەوانە بکەن.

گەلەری