سەرنووچە:

زانیاریێن نووی دەربارەی دۆسەیا دەستەسەرکرنا کچە مۆدێلەکێ لسەر ماددەیێ هوشبەر

PM:11:29:23/06/2022

5328 جار خوێندراوەتەوە

+ -

پارێزەرێ کچە مۆدێلەکێ ل هەولێرێ کو هەیاما دەربازبووی لسەر دۆسەیا ماددەیێ هوشبەر هاتبوو دەستەسەکرن بۆ ئێن ئاڕ تی ڕاگەهاند، دۆسە لسەر بابەتەکێ دی یە نەکو بابەتێ ماددەیێ هوشبەر.

پارێزەرێ وێ کچا مودێلێ بەحسا وێیەکێ کر، دەستەسەرکرنێ دوور و نێزیک پەیوەندی ب ماددەیێ هوشبەر ڤە نینە، گوتژی، دۆسە لسەر بابەتەکێ دی یە کو ژبەر سەلامەتیا رێرەوێ ڤەکۆلینێ ناهێتە ئاشکرا کرن.

گوتژی، "ئەڤرۆ من سەرەدانا وێ کریە و دبێژیت: ئەز هاتیمە سەردابرن و توشی وێ ڕەوشێ بوومە".

ئەو پارێزەرە بەحسا وێیەکێ ژی دکەت، دنهادا کەسا هاتیە دەستەسەرکرن هاتیە ڕاگرتن ل رێڤەبەریا گشتیا چاکسازیا ژنان و زارۆکان و پشتی ڤەکۆلینان دێ رێکارێن یاسایی گرینە بەر ژبوی وێیەکێ بشێن ئازاد بکەن.

زێدەتری حەفتیەکێ بەریا نها ئاسایشا هەولێرێ دەستەسەرکرنا دوو کچێن مودێل ل هەولێرێ ڕاگەهاند، کو پشتڕە بەحسا وێیەکێ هاتەکرن، ب تۆهمەتا بازرگانیکرن و بکارئینانا ماددەیێ هوشبەر هاتینە دەستەسەرکرن و ڤیدیۆیا دانپێدانێن ئێک ژ وان کچان هاتە بەلاڤکرن.

گەلەری