سەرنووچە:

ساخلەمی: دوو حالەتێن دی یێن توشبوون ب کۆلێرایێ هاتن تۆمارکرن

PM:10:18:23/06/2022

236 جار خوێندراوەتەوە

+ -

وەزارەتا ساخلەمیا عێراقێ ڕاگەهاند، دوو حالەتێن نووی یێن توشبوون ب کۆلێرایێ ل هەردوو پارێزگەهێن کەرکوک و بەغدا هاتنە تۆمارکرن، دبێژیت ژی، "ئەڤە ئێکەم حالەتێ کۆلێرایێ یە ل بەغدا دهێتە تۆمارکرن".

وەزارەتا ساخلەمیا عێراقێ دوو حالەتێن نووی یێن کۆلێرایێ پشتڕاستکرن و دبێژیت ژی، "بڤان حالەتێ توشبوونا ب کۆلێرایێ ل سەرتاسەری وەلاتی گەهشتنە ١٥ توشبوویان".

ژ ئالیێ خۆڤەژی، ژێدەرەکێ ژ ساخلەمیێ شەڤا دەربازبووی ئاماژە ب وێیەکێ کر، دوو حالەتێن کولێرایێ ل قەزا خانەقین یا باکورێ پارێزگەها دیالە هاتینە تۆمارکرن.

ئەڤە ژی د دەمەکێ دایە، باژێرێ سلێمانیێ وەکی خودانا زۆرترین حالەتێن توشبوون ب نەخۆشیا کولێرایێ دهێتە هەژمارتن و پشتی وێ ژی پارێزگەها هەولێرێ دهێت، ل چەند رۆژێن دەربازبووی دا رێکخراوا ساخلەمیا جیهانی هەڤکاریێن ساخلەمیێ پێشکێشی باژێرێ سلێمانیێ کرن.

رۆژا ١٩ی ڤێ مەهێ، وەزارەتا ساخلەمیا حکومەتا هەرێمێ ڕاگەهاند، تیمێن پەژیکزانیێ لدیڤ ستانداردێن پەژیکێ، رێژا پشکنینێ بۆ دیتنا حالەتێ کولێرایێ ئەنجامدا و ژمارەیەک ژ وی حالەتی د ژیێ جودادا ل هەردوو پارێزگەهێن سلێمانی و هەولێرێ دەستنیشانکرن و پشتی پشتڕاستکرنا تاقیگەهان.

گەلەری