سەرنووچە:

پارتی مەرجێ خۆ بۆ بەژداریکرنێ د کابینەیا نەهێ یا حکومەتا عێراقێ دا ئاشکرا کر

PM:07:33:23/06/2022

752 جار خوێندراوەتەوە

+ -

پارتی مەرجێ خۆ بۆ بەژداریکرن د کابینەیا نەهێ یا حکومەتا نوویا عێراقێ دا ئاشکرا کر و لدیڤ مەرجێن پارتی، داخازێ دکەن ب دەستوری ئاریشە بهێنە چارەسەرکرن.

شەریف سلێمان ئەندامێ جڤاتا نوینەرێن عێراقێ ژ فڕاکسیۆنا پارتی دیموکراتی کوردستان ڕاگەهاند، ئەو ب مەرجێ "هێرشکرن و پێشێلنەکرنا مافێن هەرێما کوردستانێ و چارەسەرکرنا ئاریشەیان ب رێکا دەستوری" دێ بەژداریێ د کابینەیا حکومەتا عێراقێ دا کەن.

شەریف سلێمان ئاماژە ب وێیەکێ ژیکر، "بۆ چارەسەرکرنا ئاریشە و دیتنا رێکەکێ بۆ رزگاربوون ژ وێ ئاسێمانا عێراق تێکەفتیە، پێتڤیە دانوستاندن دناڤبەرا سیاسیان دا بهێتە ئەنجامدان".

گوتژی، "هەمی ئالی کوکن لسەر دەرچوونا ژ وێ ئاسێ مانێ و بۆ وێ ژی دەرفەتەک هاتیە هەبوونێ".

بەحسا وێیەکێ ژیکر، پارتی دەست ب دانوستاندنێ کریە دگەل کڤانێ هەڤبەندیا شیعەیان کو چاڤەرێ دهێتەکرن بهێتە ئەرکدارکرن بۆ پێکئینانا کابینەیا حکومەتێ.

هەر دوێ دەربارەیێ دا ئاماژە ب ئەگەرێ هاتنا سەر جاددە و دەربرینا نەرازیبوونێ ژ ئالیێ جەماوەریێ سەر ب باسکا سەدرڤە ل هەمبەر ڕەوشا سیاسی نها کر و بەحسا وێیەکێ ژیکر، "هیڤیدارین خۆنیشاندان نەهێنە ئەنجامدان، پێتڤیە لسەر چارەسەرکرنا ئاریشەیان پێگری دەستوری بن و خالێن هەڤبەش و بەرژەوەندیێن بلند یێن گەلێ عێراقێ لبەرچاڤ بهێنەگرتن".

ژ ئالیەکێ دی ڤە ژی مەسعود بارزانی سەرۆکێ پارتی دیموکراتی کوردستان سێ مەرج بۆ بەژداریکرن د حکومەتا نووی دا ڕاگەهاند و گوت، "شەڕاکەت و هەڤسەنگی و سازان مەرجێن هەرێمێ نە بۆ پرۆسەیا سیاسیا عێراقێ".

ئەڤە ژی د دەمەکێ دایە، ئەڤرۆ ٦٤ پەرلەمانتارێن نووی ل جهێ ٧٣ پەرلەمانتارێن دەست ژ کاریکێشاین یێ باسکا سەدر سویندا یاسای خوارن.

جڤاتا نوینەرێن عێراقێ دڤێت دەستپێکێ سەرۆککۆماری ب هەلبژێرێت، پشتڕە سەرۆککۆمارێ نووی ئەرکێ پێکئینانا حکومەتێ ب مەزنترین فڕاکسیۆنێن ناڤ جڤاتا نوینەران ژ وویێ ژمارا کورسیان ڤە بسپێریت.

گەلەری