PM:05:41:23/06/2022
548 جار خوێندراوەتەوە
+
-
بریکارێ وەزارەتا ساخلەمیا حکومەتا هەرێمێ ڕاگەهاند،
ئەو کۆژمێ پارەیێ بۆ رووبەڕووبوونا کۆلێرایێ هاتیە تەرخانکرن نڤیسار بۆ هاتیەکرن و
ئاراستەی وەزارەتا دارایی کریە، لێ هێشتا نەهاتیە دابینکرن.
ئەڤرۆ پێنجشەمبی، رەهێل فەرەیدون بریکارێ وەزارەتا
ساخلەمیا حکومەتا هەرێمێ د کۆنفرانسەکا رۆژنامەڤانیدا ڕاگەهاند، لیژنەیێن بلند بۆ
رووبەروبوونا کۆلێرایێ لسەر ئاستێ وەزیر و ڕێڤەبەرێن گشتی هاتیە دروستکرن.
دەربارێ رەوشا کۆلێرایێ ل باژێرێ سلێمانیێ
ئاماژە ب وێ دا، ل سلێمانیێ ئەو ڕێژەیە جهێ مەترسیێ نینە و تا نها دبن کۆنترۆلکرنا
مەدا دەرنەچوویە، بتنێ پێتڤیە بهێتە بەرچاڤ وەرگرتن بهێتە خاوینکرن د ناڤ خێزان و کۆمەلگەهێ
دا.
گۆتژی، ئامار بەردەوامن، لێ مەرج نینە هەمی زکچوون
و ڤەرشیانا کۆلێرا بیت.
ئەڤە د دەمەکیدایە، ل ٢٠ی ٦ی ٢٠٢٢، سەباح هەورامی
ڕێڤەبەرێ گشتیێ ساخلەمیا سلێمانیێ د کۆنفرانسەکا رۆژنامەڤانیدا ئاشکەراکر، مەسرور
بارزانی سەرۆکێ حکومەتا هەرێما کوردستانێ رەزامەندی دا، ب خەرجکرنا کۆژمێ ٨٠٠ ملیۆن
دیناران بۆ دابینکرنا پێتفیێن کۆنترۆلکرنا نەخۆشیا زکچوون و ڤەرشیانێ ل پارێزگەها
سلێمانیێ وەکی بودجەیێ هەوارهاتنا بلەز.