PM:04:55:23/06/2022
2604 جار خوێندراوەتەوە
+
-
بەریا چەند رۆژان سەرۆکێ حکومەتا هەرێمێ دگەل کۆمەکا ڕۆژنامەڤانان جڤیا و
چەند پرس هاتنە گۆتوبێژکرن و شێروان شێروانی ژی د زیندانێ ڤە نەرینا خۆ لسەر وێ
جڤینێ نیشاندا لێ پشترا هاتە سزادان.
ئێک ژ سزادایێن بەهدینان د زیندانێ ڤە بۆ ئین ئاڕ تی گۆت، ئەڤرۆ پێنجشەمبی شێروان شێروانی ب سەدەما
وێ چەندێ کو بەریا چەند رۆژانە نەریناخۆ لسەر جڤینا سەرۆکێ حکومەتێ دگەل کۆمەکا
رۆژنامەڤانان دابوو دیارکرن د زیندانێ ڤە هاتە سزادان.
ئاماژە ب وێیەکێ ژی هاتەکرن، ئەڤرۆ ژ ئالیێ ئیدارەیا زیندانێ ڤە هاتیە بانگهێشتکرن
و بۆ دەمێ ١٥ رۆژان هاتیە سزادان کو نابیت پەیوەندیێ ب دەرڤە بکەت و هەر د زینانێ
ڤە هاتیە ڤەگوهاستن بۆ هۆلەکا دی و گۆتیە وی ئەڤ بڕیارە ل سەری هاتیە.
ئەڤە د دەمەکێ دایە، بەریا زێدەتر ژ دوو سالان هەژمارکا رۆژنامەڤان و چالاکڤانێن
بەهدینان ژ ئالیێ هێزێن ئەولەکاریێ ڤە هاتبوونە دەستەسەرکرن و ب تۆهمەتێن جودا
هاتنە سزادان کو شێروان شێروانی ژی ئێک ژوان بوویە.