سەرنووچە:

بڕیاربوو روینشتنا پەرلەمانێ بهێتەکرن؛ لێ بۆ دەمەکێ نەدیار هاتە پاشخستن

PM:02:50:23/06/2022

460 جار خوێندراوەتەوە

+ -

لدویف زانیاریێن نووچەگەهانێ ئێن ئاڕ تی ل بەغدا، روینشتنا پەرلەمانێ عێراقێ هاتە پاشخستن کو بڕیاربوو ئەڤرۆ پشتی دەستژکارکێشانا کوتلەیا سەدریان ئێکەم روینشتن بهێتە ئەنجامدان.

ئەڤرۆ پێنجشەمبی، زیاد ئیسماعیل نووچەگەهانێ ئێن ئاڕ تی ل بەغدا ئاماژە ب وێ یەکێ کر، ژ کۆما ٧٣ پەرلەمانتارێن نوی ژ جهـ ڤگرێن فراکسیۆنا سەدر بووینە ئەندام پەرلەمان، ٦٤ پەرلەمانتار ئامادەی روینشتنا پەرلەمانی بوون و سۆیندا یاسایی خار.

ددەمەکیدا، بەریا نها سەرۆکاتیا پەرلەمانێ عێراقێ ڕاگەهاندبوو کو لسەر بنەمایێ رێسایێ بڕگەیا ئێکی یا ماددەیێ ٥٨ێ دەستوری لسەر داخازیا هژمارەیەکا پەرلەمانتاران، رۆژا ٢٣ێی ڤێ مەهێ روینشتنەکا نە ئاسایی یا جڤاتا نوینەران دێ هێتە سازکرن.

روینشتنا ئەڤرۆ یا جڤاتا نوینەران تایبەت بوو ب سۆیند خارنا پەرلەمانتارێن جھـ ڤەگرێن پەرلەمانتارێن فراکسیۆنا باسکا سەدر کو ژمارەیا وان ٧٣ پەرلەمانتار بوون.

رۆژا ١٢ی ڤێ مەهێ تەڤایا پەرلەمانتارێن فراکسیۆنا باسکا سەدر کو ژمارەیا وان ٧٣ پەرلەمانتارن، ل جڤاتا نوینەرێن عێراقێ ڤەکشیانا خۆ ل ئەندامبوونا پەرلەمانی ڕاگەهاند.

گەلەری