PM:01:54:23/06/2022
848 جار خوێندراوەتەوە
+
-
وەزارەتا کارەبا هەرێمێ ڕاگەهاند، لێخۆشبوونا رێژەیا ١٥٪ ێ یا كرێیا كارەبێ
ب داوی هاتیە و ناهێتە درێژکرن.
ئەڤرۆ پێنجشەمبی، وەزارەتا کارەبا هەرێمێ ڕاگەهاندنەک بەلاڤکر و دناڤدا
هاتیە، وەزارەتا كارەبێ ژپێخەمەت بەرژەوەندیا وان هەڤبەشین قەردارێن كرێیا كارەبێ
بوون ب درێژاهیا شەش مەهێن دەربازبووی چەند جاران دەمێ لێخۆشبوونێ ژ ١٥٪ ێ یا كرێیا
كارەبێ درێژكر.
ئاماژە ب وێ ژی دا، د نهادا ئەو لێخۆشبوونە ب داوی هاتیە و ب چ ئاوایەکی
جارەكا دی ناهێتە دووبارەکرن.
دبێژیت ژی، وەزارەتا كارەبێ وان هەڤبەشان ئاگەهداردکەت یێن كو قەرداری كرێیا
كارەبێ نە، كرێیا كارەبا خۆ بدەن.
سالانە، ل دەمێ وەرزێن سەرما و گەرمێ دا، بڕێ پێدانا دەمژمێرێن کارەبێ ل هەرێما
کوردستانێ بەرەڤ کێمبوونەکا بەچاڤ دچن و ب دەربازبوونا چەندین کابینەیێن حکومەتا هەرێمێ
و پشتی چەندین سۆزان بۆ چێکرنێ، هێشتا پرۆسەیا پێدانا کارەبا نشتیمانی ب وەلاتیێن
هەرێمێ ل ئاست داخازیان نینە و زێدەباری وێ کو وەلاتی پارەیێ کارەبا نشتیمانی و مۆلیدەیێن
ئەهلی ددەن، لێ کارەب د ئاستێ پێتڤی دا نینە.