سەرنووچە:

سیپان ئامێدی بۆ وەزیرێ ئاڤەدانکرنێ؛ نزانم تۆ هایداری رێیێن مرنێ یێن پارێزگەها دهۆکێی؟

PM:01:41:23/06/2022

388 جار خوێندراوەتەوە

+ -

 

خرابیا رێک و بانان ل سنورێ پارێزگەها دهۆکێ رۆژانە قوربانیان لدویف خۆ د ئینن، پەرلەمانتارەک ژی دبێژیت، " ئەز نزانم ژ کیش رێیا مرنێ دەستپێبکەم، نزانم وەزیرێ ئاڤەدانکرنێ هایداری رەوشا رێیک و بانێن سنورێ پارێزگەها دهۆکێ هەیە".

سیپان ئامێدی ئەندامێ پەرلەمانێ کوردستانێ ژ فراکسیۆنا نەوەی نوێ، ل روینشتنا ئەڤرۆ یا پەرلەمانێ کوردستانێ چەند خالەک بۆ سەرۆکاتیا پەرلەمانی بەحسکرن، ژ وان ژی بەحس ل خرابیا رێک و بانان ل سنورێ پارێزگەها دهۆکێ کر، کو رۆژانە قوربانیان لدویف خۆ د ئینیت، و دبێژیت، " ئەز نزانم ژ کیش رێیا مرنێ دەستپێبکەم، نزانم وەزیرێ ئاڤەدانکرنێ هایداری رەوشا رێیک و بانێن سنورێ پارێزگەها دهۆکێ هەیە".

هەڤدەم، رێیا بەردەرەش کەلەک ئێک ژ رێیێن سەرەکیێن بازرگانی یە کو بەردەوام ترۆمبێلێن بارهەلگر ژ دەرازینکا ئیبراهیم خەلیل لسەر ڤێ رێیی هاتن و چوونا هەولێر و سلێمانیێ دکەن، رۆژانە بوویەرێن هاتن و چوونێ ل ڤێ رێیێ دروستدبن و وەلاتی د بنە قوربانی.

ئاماژە ب وێ یەکێ ژی کر، رێیەکا دیا سەرەکی و هەڤدەم رێیەکا گەشتیارییە ژی، رێیا پارێزگەها دهۆک بۆ ناحیا دێرەلۆک کو زێدەتر ژ ١٥٠ جهێن گەشتیاری لسەر ڤێ رێیێ هەنە و زێدتر ژ ٤٠ جهێن شینواری بخۆڤە دگریت، لێ هەیا نها ئەڤ رێیە نەبوویە دوو ساید و بەردەوام قوربانی لسەر ڤێ رێیێ ژی هەنە.

بەحسا وێ یەکێ ژی کر، کو ١١ سال دەربازدبن لسەر دانانا بەرێ بنیاتێ تۆنێلا چیایێ مەتین کو تۆنێلەکا ستراتیژیا گرنگە بۆ ڤێ دەڤەرێ، دبێژیت ژی، ئەگەر حکومەت نکاریت خزمەتگوزاریان جێبەجێبکەت، حکومەت نکاریت دەلیڤەیێن کاری پەیدابکەت، لێ ب ئەنجامدانا ڤان پرۆژەیان د کاریت ئاڤەدانیێ بۆ وان دەڤەران ب ڤەگەڕینیت و ب هزاران دەلیڤەیێن کاری بۆ خەلکێ وێ دەڤەرێ پەیدابکەت.

ئاماژە ب وێ یەکێ ژی کر، ب تایبەت دروستکرنا تۆنێلا چیایێ مەتینی کو سێ کیلۆمەتر و نیڤە، کوژمێ پتر ژ دوو ملیار و ٣٠٠ ملیۆن دینار بۆ هاتبوونە تەرخانکرن و ٧٠٠ ملیۆن ژی بۆ دیزاینا وێ، ژبەرکو ئەڤ تۆنێلە دەڤەرا کانی ماسێ و سەرزێری پێکڤە گرێددەت کو هەڤسنورە دگەل وەلاتێ تورکیا، هەڤدەم، دێ بیتە سەدەمێ وێ یەک خەلک ب ڤەگەڕیتە سەر گوندێن خۆ، لێ هەیا نها تشتەکێ نابینم ب ناڤێ تۆنێلا چیایێ مەتینی د پلانا وەزارەتا ئاڤەدانکرمێ دا.

گەلەری