سەرنووچە:

شاندەکێ وەزارەتا پێشمەرگەی گەهشتە بەغدا

PM:01:28:23/06/2022

196 جار خوێندراوەتەوە

+ -

ڕێڤەبەرێ ڕاگەهاندنا وەزارەتا پێشمەرگەی ڕاگەهاند، شاندەکێ سەرۆکاتیا ئەرکانێ پێشمەرگەی ب سەرۆکاتیا سەرۆک ئەرکانێ وەزارەتا پێشمەرگەی، سەردانا وەزارەتا بەرەڤانیا عێراقێ کر و دگەل سەرۆکاتیا ئەرکانێ وەزارەتا بەرەڤانیا عێراقێ جڤیان.

ئەڤرۆ پێنجشەمبی، ستار عەبدولکەریم ڕاگەهاند، شاندەکێ سەرۆکاتیا ئەرکانێ پێشمەرگەی ب سەرۆکاتیا عیسا عوزێر سەرۆک ئەرکانێ وەزارەتا پێشمەرگەی، سەردانا وەزارەتا بەرەڤانیا عێراقێ کر و دگەل سەرۆکاتیا ئەرکانێ وەزارەتا بەرەڤانیا عێراقێ جڤیان.

ئاماژە ب وێ ژی دا، هەژمارەکا پرسێن گرنگ کو پێشتر د ناڤبەرا وەزارەتا پێشمەرگەی و وەزارەتا بەرەڤانیا عێراقێ دا کار لسەر کریە و د جڤینا ئەڤرۆدا دێ ئێخنە بەر بەحسکرنێ، ژوان ژی پەیوەندیا دناڤبەرا، ئۆپەراسیۆنێن هەڤبەش د ناڤبەرا ھێزێن پێشمەرگەی و سوپایێ عێراقێ دا.

ئاشکەراژی کر، ھەر د جڤینا ئەڤرۆ یا د ناڤبەرا شاندێ سەرۆکاتیا ئەرکانێ پێشمەرگەی و سەرۆکاتیا ئەرکانی وەزارەتا بەرەڤانیا عێراقێ، پرسا لیوایێن هەڤبەرش کو پێشتر بۆ دەڤەرێن ئاریشەلسەر بڕیار لسەر دایە و تا نهاژی ژ ئالیێ لۆجستی و دارایی بەرەڤ پێش نەچوویە و ل وان دەڤەران ب تەمامی نەهاتیە جێگرکرن، گۆتوبێژ لسەر دهینەکرن.

ڕێڤەبەرێ ڕاگەهاندنا وەزارەتا پێشمەرگەی ئەویەک ژی دادیارکرن، د جڤینا ئەڤرۆدا، بەحس ژ پشکداریا خوێندکارێن ئەفسەرێن پێشمەرگەی ل خاندنا بلند ل کۆلیژێن ئەرکانیا بەغدا دهێتەکرن. رەنگە هەژمارەکا پرسێن دی ژی بهێنە بەحسکرن کو پەیوەندیا وان ب ھەردوو وەزارەتان ھەیە.

هەڤدەم، فەرماندەییا ئۆپراسیۆنێن هێزێن هەڤبەشێن عێراقێ ڕاگەهاندنەک بەلاڤکر و دناڤدا هاتیە، شاندەکێ سەرۆکاتیا ئەرکانیا پێشمەرگەی ب سەرۆکاتیا عیسا عوزێر سەرۆکێ ئەرکانیا وەزارەتا پێشمەرگەی گەهشتینە بارەگەهێ فەرماندەییێ ئۆپراسیۆنێن هێزێن هەڤبەش.

ئەویەک ژی دادیارکرن، ئەو سەردان کو ب مەرەما بلندکرنا ئاستێ هەڤبەندیکرنا ئەمنی و هەوالگریا د ناڤبەرا فەرماندەییا ئۆپراسیۆنێن هەڤبەشێن پاسەوانێن سنوری نە ل هەرێمێ ل وان دەڤەرێن کو بۆ هەردوو ئالیان گرنگن ب مەرەما ڕاڤکرنا گروپێن چەکداری.

ئەڤە د دەمەکیدایە، ل دەما دەربازبوویدا چەندین جاران ب ئاراستەکرنا مووشەک و بالەفڕێن بێ بالەفڕڤان ھێرشکریە سەر ھەولێرێ کو ب سەدەما وان زەرەرێن ماددی لپەی بوون، کو هندەک ژ وان ھێرشان ژ ئالیێ گروپێن چەکدار ل یاسایێن دەرچووی هاتینە ئەنجامدان و پشکەک ژوان ژی ئیرانێ بەرپرسیارەتیا خۆ ژ ئەنجامدانا وان ژ ستۆیێ خۆ گرتیە.

گەلەری