سەرنووچە:

شارەزایەکێ ئابوری: ل داویا ئەڤسالە دێ داهاتیێ پەتڕۆلا عێراقێ ١٨٠ ملیار دۆلار بن

PM:12:45:23/06/2022

340 جار خوێندراوەتەوە

+ -

شارەزایەکێ بوارێ ئابوری ڕاگەهاند، بسەدەمێ بلندبوونا بهایێ پەتڕۆلێ، پێشبینی دهێتە کرن ل داویا ئەڤسالە داهاتێ پەتڕۆلا عێراقێ بگەهیتە ١٨٠ ملیار دۆلاران.

سەفوان قوسەی شارەزای بوارێ ئابوری بۆ میدیایێن ناوڤخۆیی ڕاگەهاند، ژ ئەگەر بەردەوام بلندبوونا بهایێ پەتڕۆلێ د جیهانێدا و بەردەوامیا شەڕی دناڤبەرا روسیا و ئۆکرانیا دا، ل داویا ئەڤسالە دێ داهاتێ پەتڕۆلا عێراقێ بۆ ١٨٠ ملیار دۆلاران بلندبیت.

ئاماژە ب وێ یەکێ کر، رێکخراوا ئۆپێک رێکێ ب عێراقێ ددەت رێژەیا هنارتنا پەتڕۆلێ ب تێکرایا ٧٢ هزار بەرمیل بلندبکەت.

دبێژیت ژی، بڤێ یەکێ ژی عێراق ب رێژەیا ١٥٠% بەرهەمئینانا هنارتنێ بلندکەت و ب ڤێ یەکێ ژی ٤٧ هزار بەرمیلێن زێدە بەرهەمئینیت.

سەفوان قوسەی ئەوژی دیارکر، شەڕێ دناڤبەرا روسیا و ئۆکرانیا دا سەدەم بوون بۆ بلندبوونا بهایێ پەتڕۆلێ ل بازارێن جیهانێ ب رەنگەکی بهایێ ئێک بەرمیلا پەتڕۆلێ بگەهیتە ١٢٠ دۆلاران.

گوت، بڤێ ژی عێراق دێ کوژمێ سالانە ئێک ملیار دۆلار داهاتێ پەتڕۆلێ زێدەکەت، ژبەرکو رۆژانە ب کوژمێ ئێک ملیار دۆلار بۆ دەمێ ئێک سال دێ بلندبن.

سەفوان قوسەی شارەزای بوارێ ئابوری بەحسا وێ یەکێ ژی کر، تێکرایا بهایێ پەتڕۆلێ، لدەستپێکا ئەڤسالە ٩٠ دۆلار بۆ هەر بەرمیلەکێ دەربازکرن، ئەڤە مانایا وێ یەکێ یە سالا دەربازبووی ب تێکرایێ ٩٠ دۆلاران داهاتێ پەتڕۆلێ زێدەکرینە، ب ڤێ یەکێ ژی د نهادا بهایێ ئێک بەرمیلا پەتڕۆلێ بلندبوویە بۆ ١٢٠ دۆلاران، ل داویا ئەڤسالە داهاتێ پەتڕۆلا عێراقێ دێ بۆ ١٨٠ ملیار دۆلاران بلندبیت.

گەلەری