AM:11:13:23/06/2022
628 جار خوێندراوەتەوە
+
-
سەرۆکێ جڤاتا بلندا دادوەریا عێراقێ ڕاگەهاند، بۆ چ ئالیەکی نینە سەرپێچیا بڕیاررێن دادگەها فیدرالی بکەت. دبێژیت ژی، "سەرپێچیکرنا کرنا بڕیارێن دادگەها فیدرال ئانکو سەرپێچکرنا دەستور و یاسایێ".
ئەڤرۆ پێنجشەمبی، فایق زێدان، سەرۆکێ جڤاتا بلندا دادوەریا عێراقێ بۆ رۆژنامەیا فەرمیا سەباح یا عێراقی ڕاگەهاند، دادگەها بلندا فیدرالی پشکەکە ژ دادوەریێ و ب رەنگەک سەربخۆ ل حکومەتێ کارێن خۆ ئەنجامددەت.
دەربارەی وێ یەکێ دادگەها فیدرالیا حکومەتا فیدرال لهەڤهاتبن و پشترا دادگەهێ بڕیارا قەدەغەکرنا فرۆتنا پەتڕۆلا هەرێمێ دابیت، فایەق زێدان ئاماژە ب وێ یەکێ کر، د دۆسیا هنارتنا پەتڕۆلێ و غازا هەرێمێ دا، وەزارەتا پەتڕۆلا عێراقێ ئالیێ سکالاکەر و نوینەرا هزر و بیرێن حکومەتێ یە.
گوت ژی، پشتی دیڤداچوونا دۆسیێ، دەرکەفت کو وەزارەتا پەتڕۆلێ لدویف دەستوری مافێ وێ داخازیێ هەیە، دادگەها بلندا فیدرالی ژی ل بەرژەوندیا وەزارەتا پەتڕۆلێ بڕیارا خۆ ئێکلاکریە.
سەرۆکێ جڤاتا بلندا دادوەریێ ئەو ژی ئەشکەراکر، پێگیربوون ب بڕیارێن دادگەها بلندا فیدرالی ئەرکەکێ دەستوری و یاسایی یە، بۆ چ ئالیەکی نینە سەرپێچیا دادگەها بلندا فیدڕالی بکەت، سەرپێچیکرنا یاسایێ بڕیارا دادگەها فیدڕال ئانکو سەرپێچیکرنا دەستور و یاسایێ.
ئەڤە ددەمەکیدایە، دادگەها بلندا فیدرالیا عێراقێ ل ١٢ی ٢ی ٢٠٢٢ێ بڕیارا نەدەستوری و هەبوونا یاسایا هژمارە (٢٢)یا پەتڕۆل و غازا هەرێمێ دەرکر و حکومەتا هەرێمێ پێگیرکر ب رادەستکرنا پەتڕۆلێ هەرێمێ.
لهەمبەر، جڤاتا دادوەرێن هەرێمێ ل ١٧ی ٥ی ٢٠٢٢ێ د ڕاگەهاندنەکێدا ئاماژە ب وێ یەکێ کر، یاسایا پەترۆل و غازا هەرێمێ بەرۆڤاژی دەستورێ عێراقێ نینە و لدویف دەستوری ماددەیێن (١١٠) و (١١٢)ی دەستوری هاتیە دارشتن، لدویف یاسایێ زەڤیێن پەتڕۆلیێن هەرێمێ بتنێ د دەستێ دەستهەلاتدارێن هەرێمێ دایە.