AM:10:14:23/06/2022
524 جار خوێندراوەتەوە
+
-
ل تۆڕێن جڤاکی پارچەیەکا ڤیدیۆ هاتیە بەلاڤکرن و تێدا دەمێ ڤەشارتنا هژمارەیەکا وەلاتیێن ئەفغانی کو بسەدەمێ ئەردهەژا بهێز یا وی وەلاتی ژیان ژ دەستدای و بسەدەمێ زێدەهیا تەرمان گۆڕێن ب کۆم بۆ هاتینە ئامادەکرن.
بەرپرسێن فەرمانگەها ئەردهەژێن ئەفغانستانێ ڕاگەهاند، بسەدەمێ وێ یەکێ کو ئەردهەژ ب ٦.١ پلەیێن رێختەر بوو، نێزیکی هزار کەسان ژیانا خۆ ژ دەستدایە و ٦٠٠ کەسێن دی ژی برینداربوون.
لدویف وان پارچە ڤیدیۆیان تەلەفزیۆنا فەرمیا ئەفغانستانێ بەلاڤکر، ل دەڤەرەکا چیایی دویردەست ل وی وەلاتی بسەدەمێ بوویەرا ئەردهەژان چەندین خانی ب تەمامی هەرفین و هژمارەیا تەرم و چەندین کەسێن دی ژی ل بن دار و بەرێن خانیێن هەرفینە و ئاسێبووینە.
بەرپرسێن ساخلەمی و تیمێن هەوار هاتنێ بەحسا وێ یەکێ دکەن، بسەدەمێ وێ بارانا بهێز دباریت و ئەو هەرفینێن روویددەن، گەهشتن ب دەڤەرێن دژوار و ڤێ وەکریە نکارن وەک پێدڤی د هەوارا وان دەڤەران بچن یێن کو ئەردهەژ تێدا رویدای و برینداران رزگاربکەن.
ژ ئالیێ خۆ پەیڤدارێ نڤیسینگەها نەتەوەیێن هەڤگرتی بۆ هەماهەنگیا کارۆبارێن مرۆڤی ئەشکەراکر، چەند تیمێن هەوارهاتن و ترۆمبێلێن "ئەمبۆلانس" و هەلیکۆپتر رەوانەی وان دەڤەران کرینە یا ئەردهەژ لێ دروستبووی، لێ بسەدەمێ وان بارانێن بلەز یێن هاتین ل وان دەڤەران هەلیکۆپتەر نکارینە دادەن و کارێ خۆ ئەنجامبدەن.
ئەڤە ددەمەکیدایە، دوهی ئاژانسا رۆیتەرز بەلاڤکر، ل دەمێ دروستبوونا ئەردهەژەکا بهێز ل ئەفغانستانێ کو ب ٦.١ پلەیێن رێختەر بوو، هەیا نها ٢٥٥ کەسان ژیانا خۆ ژ دەستدا و بسەدەمێ زێدەهیا برینداران ئەگەرێ بلندبوونا ژیان ژدەستدانێ هەیە.
ئاژانسێ بەحسا وێ یەکێ ژی کر، زێدەباری ئەو کەسێن ژیانا خۆ ژ دەستدای زێدەتر ژ ٢٥٠ کەسان برینداربووینە ڤێ یەکێ ژی باندوری هەیە لسەر زێدەبوونا ژیان ژ دەستدانێ.