PM:10:33:22/06/2022
1656 جار خوێندراوەتەوە
+
-
نووچەگەهانێ ئێن ئاڕ تی راگەهاند، ئەڤرۆ نێزیک دەمژمێر ٧ێ مەغرەب موشەکەک
ب خالەکا سەربازیا تورکیا یا بالەفرخانەیا بامەرنێ کەفتیە و تا نها زیان نەهاتینە
زانین.
نیهاد ئورەماری نووچەگەهانێ ئێن ئاڕ تی ل ئامێدیێ دادیارکرن، شاهد حالەکی ب
چاڤ دیتیە کو خالەکا سەربازیا تورکیا هاتیە موشەک بارانکرن و بۆ ئێن ئاڕ گۆت، نێزیکی
دەمژمێر ٧ بوو دەما کو موشەکەک ژلایێ چیایێ مەتینا ڤە بو خالەکا سەربازیا ئارتێشا
تورکیا هاتیە ئاراستەکرن ل بالەفرخانەیا بامەرنێ لێ تانها زەرەر نەهاتینە زانین.
هەروەسا، وی شاهد حالی ئەویەک ژی دیارکر، ئارتێشا تورکیا چ بەرسڤە بۆ وێ
موشەک بارانکرنێ نەبوون.
ئێن ئاڕ تی خواست داخویانیا رێڤەبەرا ناحیا بامەرنێ لسەر وێ بوویەرێ وەرگریت
لێ بەرسڤا پەیوەندیێ نەدا.
ئەڤە د دەمەکیدایە، چەندین جارە بالەفرخانەیا بامەرنێ کو سەربازێن تورکیا دناڤدا
بنەجهن دهێتە موشەک بارانکرن وئالیێن تورکیا و ئالیێن حکومی ل قەزا ئامێدیێ ژی پەکەکێ
ب وان کریاران توهمەتباردکەن.