PM:05:59:22/06/2022
636 جار خوێندراوەتەوە
+
-
پەرلەمانتارێن ئیسرائیل، ئەڤرۆ چارشەمبی، د روینشتنا
بەرهەڤیێ دا ئەو پرۆژە یاسایە پەسەندکر یێ کو هەلوەشاندنا پەرلەمانی ژ خۆ دگریت ب
وێ مەرەمێ د مەها تشرینا ئێکێ دا هەلبژارتنا بەری وەخت بهێتە ئەنجامدان.
ئەڤرۆ جڤینا پەرلەمانێ ئیسرائیل هاتە ئەنجامدان
و ئێک ژ بڕگەیێن وێ جڤینێ هەلوەشاندنا پەرلەمانی بوو بۆ ئەنجامدانا هەلبژارتنا بەری
وەخت، کو د دەنگدانێ دا ١١٠ پەرلەمانتاران دەنگ بۆ هەلوەشاندنا پەرلەمانی دا و چ دەنگ
بۆ رەتکرنا وێ پرۆژە یاسایێ نەهاتنە دان.
دەزگەهێ چاپا گشتیا ئیسرائیل (KAN)، بەلاڤکر، چاڤەڕێ
دهێتەکرن رێکارێن دەربارەی هەلوەشاندنا پەرلەمانی کو د سێ روونشتناندا دەنگ لسەر دهێتەدان،
رۆژا دووشەمبی (٢٧ی حوزەیرانێ) تەمام ببن.
سەرۆکوەزیرێن ئیسرائیل بێنێت و وەزیری دەرڤەیێ
ولاتی لاپید کو ل هەڤبەشێن حکومەتا هەڤپەیمانیا وی ولاتینە، ئەڤرۆ بەلاڤکر، لهەڤهاتینە
لسەر هەلوەشاندنا پەرلەمانی و ئەنجامدانا هەلبژارتنا بەری وەخت.
ب وێ چەندێ ژی، ئەگەر د حەفتیا بهێت دا پەرلەمان
د دەنگدانێدا وێ بڕیارێ پەسەند بکەت، ل وی دەمی ئیسرائیل ل دەما نێزیکی چار سالاندا
پێنجەم هەلبژارتنا گشتی ئەنجام ددەت.
لدیڤ هەڤبەشێن هەڤپەیمانیێ، تا هەلبژارتنا بەری
وەخت وەزیرێ دەرڤە لاپید ب ئاوایەکێ دەمی دبیتە سەرۆکوەزیران.