سەرنووچە:

سۆمۆ: عێراق دکاریت کێم وکاسیێن بازارێ پەترۆلا ئەوروپا کێم بکەت

PM:04:50:22/06/2022

436 جار خوێندراوەتەوە

+ -

کۆمپانیا سۆمۆ ڕاگەهاند، پێنگاڤ بۆ زێدەکرنا فرۆتنا پەترۆلا عێراقێ ل ئەوروپا زێدەکرینە و دبێژیت ژی، "عێراق دکاریت کێم وکاسیێن بازارێ پەترۆلا ئەوروپا تژی بکەت".

عەلا خزر ئەلیاسری ڕێڤەبەرێ کۆمپانیا سۆمۆ بۆ ئاژانسا نووچەیا عێراقی ڕاگەهاند، کۆمپانیا وان دگەل کۆمپانیێن ئەوروپی گرێبەستا شاندنا ٦٠٠ هزار بەرمیلێن پەترۆلا رۆژانە هەنە.

ئاماژە ب وێ ژی دایە، سۆمۆ پلان هەیە وان ٦٠٠ هزار بەرمیلان ل رێیا پەترۆلا خام یا بەسرا و واست و کەرکوکێ دابین بکەت و بەردوام ژی دبن ل گەڕیانێ لدیڤ هەر دەرفەتەکێ بۆ لهەڤهاتنێ دگەل کۆمپانیێن ئەوروپیێن بیاڤێ پەترۆلێ.

دەربارێ هەبوونا گرێبەستا نوی ژی عەکا خزر ئەلیاسری بەحس ژ وێ کر، "د ڤان داویاندا مە کۆمەکا بەرسڤێن ئەرێنی ل هەندەک کۆمپانیان وەرگرتینە کو رەنگە ببیتە سەدەمێ گرێبەستێن نوی و زێدەبوونا فرۆتنا پەترۆلا عێراقێ د بازارێن ئەوروپادا."

ئاماژە ب وێ ژی دا، عێراقێ شیانا پڕکرنا پێتڤیێن بازارێ ئەوروپا هەیە و رەوشا نها یا وی بازاری وەسا دخازیت پەترۆلا گونجای ببینن کو سزایا نێڤدەولەتی لسەر نینە و پەترۆلا خاڤا بەسرا ب ئێک ژ وان پەترۆلێن گونجای بۆ بازارێ ئەوروپا دهێتەدان.

ئەڤەژی د دەمەکیدایە، دەمێ چار مەهن شەڕێ د ناڤبەرا روسیا و ئۆکرانیادا بەردەوامە و ب وێ سەدەمێ ژی یەکێتیا ئەوروپا بڕیاردایە کڕینا سوتەمەنیێ ل روسیا کێم بکەت.

گەلەری