AM:10:00:19/06/2022
1608 جار خوێندراوەتەوە
+
-
میدیایێن ئەمریکی بەلاڤکر، شارەزایێن سەربازی هایداریێ ددەن ژ بەرکەفتنا سەربازیا دناڤبەرا واشنتۆ و مۆسکۆ ل سوریا.
رۆژنامەیا وۆل ستریت جۆرنال بەلاڤکر شارەزایێن سەربازیێن ئەمریکی هایداریێ ددەن ژ مەترسیا روویبروویبوونا راستەوخۆیا دناڤبەرا هێزێن ئەمریکا و روسیا ل سوریا، هەروەسا هێزێن روسیا ب توڕەکرنا ئەمریکا تۆهمەتباردکەن.
بەرپرسەکێ سەربازیێ ئەمریکا بۆ وێ رۆژنامێ ڕاگەهاندیە، رۆژا چارشەمبیا دەربازبووی روسیا هێرشکریە سەر جهـ و دەڤەرێن ئەلتەنف کو ل وی جهی سەربازێن ئەمریکا مەشق ب چەکدارێن خۆ دکەن.
ئەوژی دیارکر، روسیا بەری کو ب دوو بالەفڕێن سو ٣٥ و سو ٢٤ هێرشبکەتە سەر وی بنگەهێ سەربازیێ ئەمریکا ب رێیا کەنالەکێ پەیوەندیێ ئەو بنگەهە هایدارکریە.
هەڤدەم رۆژناما وۆل ستریت جۆرنال ئاماژە ب وێ یەکێ کر، بەرپرسێن سەربازیێن ئەمریکا دلگرانیا خۆ دەربڕیە ژ وان هێرشێن روسیا و دبێژن، "روسیا راستەوخۆ هێزێن ئەمریکا نەکرینە ئارمانج، بەلکۆ تەحەدایا ئەرکێ هێزێن ئەمریکا دکەت ل سوریا".
ژ ئالیێ خۆ، ئێریک کۆرێلا فەرماندەیێ فەرماندەیا ناڤەندیا ئەمریکا بەحسا وێ یەکێ کر، "ئەم بزاڤان دکەین خۆ ژ هەر حسابکرنەکا خەلەت یان پێنگاڤەکێ دوویربکەین کو ببیتە سەدەمێ ناکۆکیێن نە پێدڤی دگەل روسیا و ئەڤە ژی دێ وەکی ئارمانجا مە مینیت لێ کرییارێن ڤان داویان روسیا مە تۆرە دکەت".
ئەڤە ددەمەکیدایە، بسەدەمێ شەڕێ دناڤبەرا روسیا و ئۆکرانیا پەیوەندیێن روسیا و ئەمریکا د ئالوزیاندایە.