PM:09:45:05/06/2022
1268 جار خوێندراوەتەوە
+
-
سالا دەربازبووی و د هەمان بەروار و مەهدا، ژنەکا
خەلکا مالی کو نها ل مەغریب دژیت، ب ناڤێ حەلیمە سیسی کو ب تاقانەترین دایکا دونیایێ
دهێتە ناسین، ب زکەکی نەهـ زارۆک بوون ئەڤەژی بوویە سەدەمێ وێ کو ریکۆردا جیهانی
بشکێنیت.
حەلیمە سیسی، ژیێ وێ ٢٥ سالن و ژبەر شەڕی ژ مال
رەڤیە بۆ مەغریب، پێشتر نوژداران لسەر زکێ وێ هایداری دایێ و ژێڕا گۆتبوو رەنگە مەترسیێ
لسەر ژیانا وێ دروستبکەت.
لدیڤ ڕاپۆرتێن نوژداری، ئەو نەهـ زارۆکێن وێ ب
سەلامەتی ژدایکبووینە و د نهادا ساخلەمیا وان گەلەک باشە.
ژدایک بوونا نەهـ زارۆکان ب زکەکی دیاردەیەکا
تەمام دەگمەنە و بوویە جهێ سەرنجا نوژداران.
نوژدار دبێژن، پێنج ژ وان زارۆکان کچن و چارێن
دی کوڕن و چ ئاریشەیێن ساخلەمیێ نینە و ساخلەمیا حەلیمەیا دایکا وان ژی جێگرە.
ئەڤەژی د دەمەکیدایە، ئەو ژنا مالی کو ب زکەکی
نەهـ زارۆک ب ئێکجاری بوونە، شیایە ژمارەیا پێڤانەییا نادیە سولەیمان بشکێنیت، کو
ل سالا ٢٠٠٩ ب زکەکی هەشت زارۆک ببوون.