AM:09:27:22/04/2022
1180 جار خوێندراوەتەوە
+
-
شەڤا دەربازبووی پشتی شکەستنا یانا زاخۆ ل
هەمبەر یانا کارەبا ئالۆزی دناڤبەرا پشتەڤان و پۆلیساندا دروستبوو و ١٧ کەس
برینداربوون. هەڤدەم، د ڕاستەوخۆیێ دا ژ ئالیێ کارگێریا یانا زاخۆ ڤە هێرشی سەر
تیما ئێن ئاڕ تی هاتەکرن.
وەحید سندی نووچەگەهانێ ئێن ئاڕ تی ل زاخۆ
ڕاگەهاند، شەڤا دەربازبووی یاریا تەپاپێ دناڤبەرا یانەیا وەرزشیا زاخۆ و یانەیا
کارەبا یا عێراقێ هاتەکرن و ب گولەکێ بێبەرامبەر یانا کارەبا سەرکەفتن ئینا.
دیاژیکر، پشتی یانەیا کارەبا سەرکەفتی
پشتەڤانێ وێ دلخۆشی دەربڕی و هەر ئەو بوو سەدەمێ وێ یەکێ پشتەڤانێن یانەیا زاخۆ
دلگران و نەرازی ببن و هەر ئەو ژی بوویە سەدەمێ دروستبوونا ئالۆزیان دناڤبەرا
پشتەڤان و پۆلیسێن یاریگەهێ دا.
ئاشکرا ژیکر، د ئالۆزیاندا ١٢ وەلاتی و پێنج
پۆلیسێن ئەولەکاریا یاریگەهێ بسڤکی برینداربوون و زێدەتری ٦٠٠ کورسیێن یارەگەهێ
هاتن شکاندن.
هەڤدەم، هەر ل شەڤا دەربازبووی تیما ئێن ئاڕ
تی روومالا بوویەرێ دکر و دپەخشێ ڕاستەوخۆدا بوو، لێ ژ ئالیێ کارگێریا یانەیا زاخۆ
ڤە هێرشی سەر وان هاتەکرن و پەخشێ وان ڕاوەستاند و ڤێ یەکێ ژی کارڤەدان هەبوون.