PM:01:14:31/07/2021
2488 جار خوێندراوەتەوە
+
-
بۆ دەما چەند رۆژانە ئاگر بەربوویە ٢١
باژێرێن باکورێ کوردستانێ و هەیا نها بەردەوامە و ل گۆرەی داوی ئامار ژی، هەیا نها
ژ ٧١ جهین ئاگربەربوونێ ل چەندین پارێزگەهێن تورکیا و دەڤەرێن کەناری یێن وی
وەلاتی، چار کەسان ژیانا خۆ ژ دەستدایە، زێدەتری ٣٠٠ کەسان ژی ب سەدەما ئاگری
ساخلەمیا وان تێکچوویە، نێزیکی چار هزار خانی هاتنە چولکرن، نێزیکی حەفت هزار
کەسان ب مەرەما پاراستنا خۆ بۆ جهێن دی هاتنە ڤەگۆهاستن.
سەرۆکایەتیا ب رێڤەبرنا کارەسات و رەوشا ژ
نشکەکیڤە ل تورکیا (ئافاد) بەلاڤکریە، بب رێکا ٩٦٠ کارمەندان، بالەفڕەکا بێ
بالەفڕڤان، ١٩ ئەلیکۆپتەر، ٢٠١ ترۆمبێلێن ئاگرڤەمراندنێ، ٣٠ بلدوزەر و ٣٠
ترۆمبێلێن گەهاندنا ئاڤێ بزاڤێن کۆنترۆلکرنێ دکەن کو ل چار جهێن جودا ل باژارۆکی
ماناڤگاتی یا سەر ب ئەنتالیا کەفتیە، ئەو خانی و ڤیلایێن کو ل دارستانێ نێزیکن،
هاتنە چولکرن.
پشتی ئاگربەربوونێ، هەر ئێک ژ رووسیا،
ئوکرانیا و ئازبایجان ئامادەیا د هەوارچوونا خۆ بۆ تورکیا دیارکریە و ڕەجەب تەیب
ئەردوغان سەرۆککومارێ تورکیا ژی ڕاگەهاند، "پشتی گەهشتنا بالەفڕان دێ
ڤەگەرینە رەوشا بەریا نها".
ئەڤرۆ، د پەیامەکێ دا ل پێگەهێ خۆ یێ فەرمی ل
تویتەری، سەرۆککومارێ تورکیا ڕاگەهاند، هەر ئێک ژ ویلایەتا ئەنتالیا، مێرسین،
موغلا، دەڤەرێن باشورێ وەلاتی ب دەڤەرا "کارەساتبار"
دەستنیشانکرن".
د وێ دەربارێ ژی دا، بەکر باکدەمیرلی وەزیرێ
چاندن و دارستانا تورکیا ڕاگەهاند، شیانە کۆنتررۆلکرنا ٧١ جهێن ئاگری بکەن، لێ
دنهادا ١١ ئاگر ل دەڤەرێن ئەدەنە، ئەنتالیا، موغلا، مێرسین و عوسمانیە نەهاتنە
ڤەمراندن و بزاڤ بەردەوامن بۆ کۆنترۆلکرنێ تەماما ئاگری.
هەڤدەم، بەرپرس و ئەندامێن تیما
ئاگرڤەمراندنا تورکیا بۆ "بای"یێ بهێز و بەدەوامە، سەدەمێ بەردەوامیا
ئاگری و نەشیانا تیمان لسەر کۆنترۆلکرنا ئاگری دهێنە هەژمارتن.