PM:10:05:27/12/2021
668 جار خوێندراوەتەوە
+
-
ئەڤ شەڤە بارەگایێ سەربازیێ تورکیا ل
چیایێ باشیک هاتە بۆمبەبارانکرن، رێڤەبەرێ ناحیا زێلکان ژی ڕاگەهاند، مووشەک ل
ئاقارێ گوندێ جێبران کەفتنە خارێ.
محەمەدئەمین غەریب رێڤەبەرێ ناحیا زێلکان بۆ ئێن ئاڕ تی ڕاگەهاند، نێزیکی
دەمژمێر ٩:٠٠ی ئەڤ شەڤە دوو مووشەک بۆ بارگەهێ سەربازیێ تورکیا لسەرێ چیایێ باشیک هاتن
ئاڕاستەکرن لێ ژ بارگەهی دەربازبووینە.
دیارژیکر، ئەو مووشەکە ل ئاقارێ گوندێ جێبران
کەفتینە خارێ و چ زیانێن گیانی و ماددی لدیڤ خۆ نەئیناینە.
هەڤدەم، هەیا نها بارەگایێ سەربازیێ تورکیا و
ئالیێن پەیوەندیدارێن وێ دەڤەرێ ژی دیارنەکرینە کا ئەو مووشەکە ژ کیش ئالیڤە هاتنە
ئاڕاستەکرن، چ ئالیان ژی بەرپرسیارەتیا خۆ لسەر ئەنجامدانا وی کاری ڕانەگەهاندیە.
ئەڤە د دەمەکێ دایە، هەر ژ دەستپێکا ئەڤ سالە
و هەیا نها هەشتەم جارە بارەگایێ تورکیا ل چیایێ باشیک دهێتە بۆمبەبارانکرن و د
دەمێ دەربازبووی دا زیانێن جودا لدیڤ خۆ ئیناینە و بتایبەتی ژی زیان بەر ب
وەلاتیێن گوندێن دەردورا وی بارەگای کەفتینە.
سەباح سۆفی، شێخان