PM:09:42:27/12/2021
1160 جار خوێندراوەتەوە
+
-
هەڤپەیمانیا ژ پێخەمەت خەلکی هەولیستێ خۆ دەربارەی
بڕیارا دادگەها فیدڕاڵی ڕاگەهاند و دبێژیت، نها بەرپرسیارەتی د ستویێ وان دایە ئەوێن
باوەریا خەلکی ب دەستڤە ئیناین.
هەڤپەیمانیا ژ پێخەمەت خەلکی کو ژ ڤەلڤینا
نەوەی نوێ و بزاڤا ئیمتیداد و چەند پەرلەمانتارێن سەربەخۆ پێهاتیە، ڕاگەهاندنەک
بەلاڤکرن و تێدا هاتیە، "پیرۆزباهیێ ل وەلاتیێن خۆشتڤی دکەین ب هەلکەفتا ب فەرمی
پەسەندکرنا ئەنجامێن دەنگدانا وان لسەر هەلبژارتنا نوینەرێن وان".
ئاماژە ب وێیەکێ ژی کر، "سوپاسیێن خۆ
ئاڕاستەی دادگەها فیدڕالی دکەین ژبوی رۆلێ وان یێ چالاک لسەر پاراستنا دەنگێن
دەنگدەران و پرۆسەیا دیموکراسی و لایەنگرینەکرن بۆ هەمی وان فشارێن سیاسی یێن لسەر
وان بووینە. هەروەسا سوپاسیا هەمی وان وەلاتان دکەین ئەوێن بەژداری کرین د
چاڤدێریکرنا پرۆسەیا هەلبژاردناندا ب ئارمانجا سەرخستنا دیموراسیەتێ ل
عێراقێ".
بەحسا وێیەکێ ژی کریە، "نها
بەرپرسیارەتی د ستویێ واندایە ئەوێن باوەریا خەلکی بدەستڤە ئیناین، هەیا کو
پێنگاڤان بهاڤێژن و چاڤدێریا بەرنامەیێ کارێ حکومەتێ بکەن".
ئەو ژی د دەمەکێ دایە، نەوەی نوێ و ئیمتیدار
و چەند پەرلەمانتارێن دی یێن سەربەخۆ کو ژ ٢٨ کورسیان پێکدهاتن، هەڤپەیمانیەک ژ پێخەمەت خەلکی پێکئینان و شاسوار عەبدولواحید
سەرۆکێ ڤەلڤینا نەوەی نوێ سەرۆکایەتیا وێ دکەت.