PM:09:04:27/12/2021
764 جار خوێندراوەتەوە
+
-
پارتی دیموکراتی کوردستان دەربارەی بڕیارا
دادگەها فیدڕالی یا تایبەت ب هەلبژارتنێن عێراقێ ڤە ڕاگەهاند، پێشوازیێ ل بڕیارێ
دکەین و دبێژیت، "دوو کورسیێن مە ب نەحەق برینە".
پارتی دیموکراتی کوردستان د ڕاگەهاندنەکێ دا بەلاڤکریە، پارتی پێشوازیێ ل بڕیارا دادگەها
بلندا فیدڕالی دکەت ژبوی پەسەندکرنا بداوی هاتنا ئەنجامێن داویا هەلبژارتنێن
بەروەختێن جڤاتا نوینەررێن عیراقێ.
ئاماژە ب وێیەکێ ژی کر، "ئەڤ بڕیارە
پێنگاڤێن دەستوری لدیڤ خۆ دئینیت ژبوی پێکئینانا کابینەیا داهاتی یا حکومەتا
فیدڕالی".
پارتی ڕاگەهاند ژی، "تەکەزێ لدیڤ چوونێن
وێ ستەمێ دکەین کو ل پارتیا مە هاتیەکرن و ب نەحەق دوو کورسیێن مە برینە، ب رێکا
یاسای ژ ئالیێ وان بەربژێر و دەنگدەران ڤە کو ب نەیاسای دەنگێن وان
شەوتاندینە".
ئەڤرۆ دووشەمبێ، دادگەها فیدڕالیا بلندا
عێراقێ ئەنجامێن هەلبژارتنێن بەروەخت کو ل ١٠ی تشرینا ئێکێ یا دەربازبووی ژبوی
جڤاتا نوینەرێن عێراقێ هاتبوونە ئەنجامدان پەسەندکرن.