PM:08:41:27/12/2021
984 جار خوێندراوەتەوە
+
-
بەریا دەمەکێ کێم بالەفڕێن شەڕکەرێن تورکیا بدژواری سنورێ گوندێ بێبادێ
ل ناحیا چەمانکێ بۆمبەبارانکرن و هەیا نها زیان نەهاتینە زانین.
نیهاد ئورەماری نووچەگەهانێ ئێن ئاڕ تی ل ئامێدیێ دیارکر، نێزیکی
دەمژمێر ٨:٠٠ی ئەڤ شەڤە بالەفڕێن شەڕکەرێن تورکیا چار جاران سنورێ گوندێ بێبادێ یا
سەر ب ناحیا چەمانکی ڤە ب دژواری بۆمبەبارانکرن.
ئاماژە ب وێیەکێ ژی کر، ئەو گوندە چولە و کەس تێدا ناژیت و سەدەمێ
چولکرنا وی گوندی ژی رووبرووبونێن تورکیا و پەکەکێ بووینە.
بەحسا وێیەکێ ژیکر، هەیا نها چ ئالیان زیانێن وێ بۆمبەبارانێ ئاشکرا
نەکرینە.
ئەڤە د دەمەکێ دایە، ژ شەڤا دەربازبووی دەمژمیر ١٢ێ وەرە رەبیێن
ئاڕتێشا تورکیا ب دژواری سنورێ قەزا باتیفا تۆپباران دکەن و هەر ب وێ سەدەمێ ژی
ئەڤرۆ ژنەک ل گوندێ بانکا سەری ب ژدواری برینداربوو و هاتە ڤەگۆهاستن بۆ
نەخۆشخانەیێ.