PM:07:37:27/12/2021
1072 جار خوێندراوەتەوە
+
-
د سالا ۲۰۲۱ێ دا ۲٤ نۆژدار و کارمەندێن ساخلەمیێ ل پارێزگەها دهۆکێ د بوویەرێن جودا دا
ژیانا خۆ ژ دەستداینە و هەیا نها جهێن وان وەکی پێتڤی نەهاتینە پڕکرن.
لگوری زانیاریێن ئێن ئاڕ تی، کو ژ ژێدەرەکێ تایبەتێ ساخلەمیا دهۆکێ ب
دەست کەفتینە، د ئیسالدا ۲٤ نۆژدار و کارمەندێن ساخلەمیێ ل سنورێ پارێزگەها
ب بوویەرێن جودا ژیانا خۆ ژ دەستداینە.
هەر وی ژێدەری ئاماژە ب وێ چەندێ ژی کر، کو بەشەک ژ وان نۆژدار و کارمەندێن
ساخلەمیێ خۆبەخشبوون و د بەشێن جودایێن کەرتێ سالەمیا دهۆکێ دا کارکرینە.
گوت ژی، هەیا نها وەکی پێتڤی جهێن وان نە هاتینە پڕکرن.
هەر لگوری زانیاریێن ئێن ئاڕ تی، د نها دا گەلەک ئاڤاهیێن ساخلەمیێ و
نە خۆشخانە ب نیڤەروو ماینە و نە هاتینە تەمامکرن و گەندەلیەکا مەزن د وی بیاڤی دا
هەیە.
ئەڤە د دەمەکێ دایە، کو دنهادا گەلەک ڤالاتی
د کەرتێ ساخلەمیا پارێزگەهێ دا هەنە، مینا کێمیا کارمەندێن ساخلەمیێ و نۆژداران و
ئامیرە و ئاڤاهیان و دەرمانێن پێتڤی کو ئەڤە ژی دبیتە بارگرانی لسەر ملێ وەلاتیێن
وێ پارێزگەهێ.
ئەڤە ژی ناڤێن وان وەغەرکریانە:
٭ د.غازی عبدالله فندی/ خانەنشین
٭ د. وان احمد دهۆکی
٭ د.ئەلماس محمد حسن
٭ کاوە ئالیخان
٭ رائد سردار بەرواری
٭ حجی نادر عیسا
٭ زکی عبدالجبار
٭ نواف اسماعیل احمد
٭ خەمێ میرخائیل سلێمان
٭ عەلی بەشیر ڕەشاڤەی
٭ پەروین جمیل بهائەدین کتانی
٭ پەیمان محمد رەئوف/ خۆبەخش
٭ ابراهیم نزیر عمر
٭ گولستان خالد
٭ د.قيصر وردة/ خانەنشین
٭ د.یوسف میخۆ مانگێشی/ خانەنشین
٭ نەسرین خەلیل/ خانەنشین
٭ جلیلە تاهر مستەفا/ خانەنشین
٭ خالد مەلا احمد دۆسکی
٭ محسن سلێمان میرخان
٭ شام پەری محمد
٭ عبدالالە عبدالواحد
٭مشیر تەتو ابراهیم
٭عەدنان حەسەن شەعبان