PM:05:07:27/12/2021
1608 جار خوێندراوەتەوە
+
-
نووچەگەهانێ ئێن ئاڕ تی ڕاگەهاند، بەریا دەمەکێ کێم د
ئەنجامێ تۆپبارانێ دژوارێن ئاڕتێشا تورکیا دا ژنەکا گوندێ بانکا سەری ب دژواری
برینداربوو.
وەحید سندی
نووچەگەهانێ ئێن ئاڕ تی ل زاخۆ ڕاگەهاند، بەریا دەمەکێ کێم د ئەنجامێ تۆپبارانێن
دژوارێن ئارتێشا تورکیا دا کو چەند تۆپەک ل نێزیک مالا وەلاتیەکێ گوندێ بانکا سەری
کەفتینە و ژنەکا وێ ماڵێ بدژواری برینداربوویە.
دیارژیکر، ئەو ژنە
خێزانا جەمیل غازی یە و خەلکا گوندێ بانکا سەری یە ل سنورێ قەزا باتیفا، هەڤدەم
گوتژی، پشتی برینداربووی بۆ نەخۆشخانەیا هەوارهاتنێ ل زاخۆ هاتیە ڤەگۆهاستن.
بەحسا وێیەکێ ژی کر،
هەر بسەدەما وێ تۆپبارانێ هەیا نێزیکی ١٠ دەمژمێران کارەبا هەردوو گوندان هاتە
بڕین و ئاکنجیێن وان د تاریێ دا مان.
ئەڤە د دەمەکێ دایە، ژ
شەڤا دەربازبووی دەمژمێر ١٢ی شەڤێ و هەیا نها ڕەبیێن ئاڕتێشا تورکیا سنورێ قەزا
باتیفا ب گشتی و سنورێ هەردوو گوندێن بانکا سەری و بانکا خارێ ب هێجەتا هەبوونا
گەریلایێن پەکەکێ تۆپباران دکەت و ڤێ یەکێ ژی زیانێن مەزنێن گیانی و ماددی لدیڤ خۆ
ئیناینە.