PM:02:16:27/12/2021
1648 جار خوێندراوەتەوە
+
-
دادگەها فیدرالی یا عێراقێ ڕاگەهاند، هەمی
ئەو داخازیێن دەربارێ هەلوەشاندنا ئەنجامێن هەلبژارتنێ هاتینە پێشکێشکرن هاتنە
ڕەتکرن.
ئەڤرۆ دووشەمبی، دادگەها بلندا فیدرالی د
ڕاگەهاندنەکێ دا ئاشکەراکر، ئەنجامێن هەلبژارتنان ناهێنە هەلوەشاندن و هەمی ئەو
داخازیین دوێ دەربارێ ژی دا ڕەت کرینە.
ئاماژە ب وێ ژی دا، جڤاتا دادوەری تاکە
دەستهەلاتە کو بکاریت ئاریشەیێن گرێدای ب هەلبژارتانان ڤە چارەسەر بکەت.
هەر ل دیڤ ڕاگەهاندنا دادگەها بلند یا
فیدرالی، دەستەیا دادوەران د جڤینا دادگەهێ دا دەست ب ڤەخاندنا هەمی سکالا و
تانەیان کرن.
ئاشکەرا ژی کر، بڕیارێن دەستەیا دادوەریا
کۆمسیۆنێ د یاسایی نە.
بەحسا وێیەکێ ژی کر، هەمی پارتێن سیاسی مافێ
وێ چەندێ هەیە پشتی سێ ڕۆژان ل ڕاگەهاندنا داوی ئەنجامێن هەلبژارتنان تانەیان ل
ئەنجامان بدەن.
دەربارێ سەڕاستکرنا یاسایا هەلبژارتنان،
دادگەها بلند یا فیدرالی دبێژیت ژی، پەرلەمانێ داهاتیێ عیراقێ دکاریت وێ سەڕاستکرنێ ئەنجامبدەت.
ئەڤە ددەمەەکی دایە، ل ١٠ تشرینا ئێکێ یا
ئەڤسالە هەلبژارتنێن بەری وەخت یێن پەرلەمانێ عێراقێ هاتنە ئەنجامدان و ددەمێ
دەربازبوی ژی دا کۆمسیۆنا بلندا سەربخۆیا هەلبژارتنان ئەنجامێن داوی ڕاگەهاندن، د
هەمبەردا ئەو هێزێن کو نەشیان سەرکەفتنێ بدەستڤە بینن دەست ب خۆنیشاندانان کر و
داخاز ژی ل دادگەها بلندا فیدرالی کر ئەنجامان ڕەتبکەن و ب هەلوەشینن.