PM:01:01:27/12/2021
604 جار خوێندراوەتەوە
+
-
شانەیا ڕاگەهاندنا ئەولەکاریا عێراقێ ڕاگەهاند، د کڤانێ ئۆپراسیۆنەکا هەڤپشکدا ل پارێزگەها کەرکوکێ دوو چەکدارێن داعش هاتنە کوشتن.
ئەڤرۆ دوو شەمبی، شانەیا ئەولەکاریا سەر ب فەرماندەیا ئۆپراسیۆنێن هەڤپشکێن عێراقێ د ڕاگەهاندنەکێدا ئاماژە ب وێیەکێ کر، د کڤانێ ئۆپراسیۆنەکا هەڤپشکدا، دوو چەکدارێن گروپێ داعش ل پارێزگەها کەرکوکێ هاتنە کوشتن.
د ڕاگەهاندنێ دا ئەوژی دیارکریە، هێزێن پۆلیسێن فیدرالی و ئاژانسا هەوالگێریا فیدرالیا سەر ب وەزارتا ناڤخۆ پشکداری د ئۆپراسیۆنێدا کریە.
دبێژیت ژی، هێزێن هەڤپشک ب پشت گرێدان ب زانیارینێ هەوالگێریان ئۆپراسیۆنەک ل پارێزگەها کەرکوکێ ئەنجامدا.
ڕاگەهاندنێ، چ زانیاریێن دی ئەشکەرا نەکرن، بتایبەتی دەربارەی وان دەڤەرێن کو دوو چەکدار تێدا هاتینە کوشتن.
گروپێ چەکداریێ داعش ل سالا ٢٠١٤ێ کاری دەست بسەر رووبەرەکێ بەرفرەهێ ئاخا سوریا و عێراقێ دا بگرن، پشترا ب هەڤکاریا ئەمریکا و هەڤپەیمانێن ناڤدەولەتیا دژی داعش ل سالا ٢٠١٧ێ حکومەتا عێراقێ شکەستنا وی گروپی ل ئاخا عێراقێ ڕاگەهاند.